25.51C Vancouver 25.51C VancouverNov 8, 2022 1:24 AM - Connect News
ਐਬਟਸਫੋਰਡ 'ਚ ਪੁਲਿਸ ਵੱਲੋਂ ਇੱਕ ਘਰ 'ਚ ਲੱਗੀ ਅੱਗ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਮਾਮਲਾ ਆਰਸਨ ਯਾਨੀ ਕਿ ਜਾਣਬੁੱਝ ਕੇ ਅੱਗ ਲਗਾਉਣ ਦੀ ਘਟਨਾ ਦਾ ਮੰਨਿਆ ਜਾ ਰਿਹਾ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਬਚਾਅ ਟੀਮਾਂ ਨੂੰ 3030 ਟਰੈਥਵੇ ਸਟ੍ਰੀਟ 'ਤੇ ਸਥਿਤ ਘਰ 'ਚ ਸ਼ਨੀਵਾਰ ਤੜਕੇ ਕਰੀਬ 1 ਵਜੇ ਸੱਦਿਆ ਗਿਆ ਸੀ।
ਘਰ ਦੇ ਅੰਦਰ ਲੋਕ ਮੌਜੂਦ ਸਨ ਅਤੇ ਫਾਇਰ ਟੀਮਾਂ ਅਤੇ ਅਫ਼ਸਰ ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢਣ 'ਚ ਕਾਮਯਾਬ ਰਹੇ।
ਇਸ ਮਾਮਲੇ ਦੀ ਜਾਂਚ ਮੇਜਰ ਕਰਾਈਮ ਯੂਨਿਟ ਵੱਲੋਂ ਕੀਤੀ ਜਾ ਰਹੀ ਹੈ।
ਜਾਂਚ ਸ਼ੁਰੂਆਤੀ ਦੌੜ ਵਿੱਚ ਹੈ ਪਰ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਘਟਨਾ ਨੂੰ ਮਿਥ ਕੇ ਅੰਜਾਮ ਦਿੱਤਾ ਗਿਆ ਮੰਨਿਆ ਜਾ ਰਿਹਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਕੋਲ ਟਰੈਥਵੇ ਸਟ੍ਰੀਟ ਅਤੇ ਮੈਕਲੋਰ ਰੋਡ ਅਤੇ ਗਲੈਡਵਿਨ ਅਤੇ ਕਲੀਅਰਬਰੁਕ ਰੋਡ ਦੇ ਆਲੇ-ਦੁਆਲੇ ਦੀ ਘਟਨਾ ਦੇ ਸਮੇਂ ਦੀ ਕੋਈ ਫੁਟੇਜ ਜਾਂ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
