11.51C Vancouver 11.51C VancouverJul 6, 2021 9:08 PM -
ਐਬਟਸਫੋਰਡ ਪੁਲਿਸ ਵੱਲੋਂ ਇੱਕ ਸ਼ੱਕੀ ਗਤੀਵਿਧੀ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਦੌਰਾਨ 3 ਬੱਚਿਆਂ ਨੂੰ ਈਸਟ ਐਬਟਸਫੋਰਡ 'ਚ ਨਿਸ਼ਾਨਾ ਬਣਾਇਆ ਗਿਆ।
ਮਾਮਲਾ ਐਤਵਾਰ 4 ਜੁਲਾਈ ਦਾ ਦੱਸਿਆ ਗਿਆ ਹੈ।
ਸ਼ਾਮ ਕਰੀਬ 7.30 ਵਜੇ 3 ਬੱਚੇ ਸੁਮਾਸ ਮਾਊਂਟੇਨ ਰੋਡ ਕੋਲ 36000 ਬਲੌਕ 'ਚ ਇੱਕ ਪਾਰਕ ਕੋਲ ਖੇਡ ਰਹੇ ਸਨ।
ਇਸੇ ਦੌਰਾਨ 2 ਲੋਕਾਂ ਨੇ ਬੱਚਿਆਂ ਤਕ ਪਹੁੰਚ ਕੀਤੀ ਅਤੇ ਉਨ੍ਹਾਂ ਨਾਲ ਗੱਲਬਾਤ ਸ਼ੁਰੂ ਕਰ ਦਿੱਤੀ।
ਇੱਕ ਆਦਮੀ ਨੇ ਕਿਹਾ ਕਿ ਉਹ ਪ੍ਰੋਫੈਸ਼ਨਲ ਹਾਕੀ ਖਿਡਾਰੀ ਹੈ ਅਤੇ ਉਨ੍ਹਾਂ ਦੀ ਮਾਂ ਨੂੰ ਜਾਣਦਾ ਹੈ।
ਇਸੇ ਦੌਰਾਨ ਦੂਜੇ ਆਦਮੀ ਨੇ ਬੱਚਿਆਂ ਨੂੰ ਕਿਹਾ ਕਿ ਉਹ ਉਸ ਦੀ ਗੱਡੀ 'ਚ ਬੈਠ ਜਾਣ ਅਤੇ ਉਹ ਬੱਚਿਆਂ ਨੂੰ ਆਪਣੇ ਘਰ ਲੈ ਜਾਵੇਗਾ ਜਿੱਥੇ ਖੇਡਣ ਲਈ ਹੋਰ ਬੱਚੇ ਵੀ ਮੌਜੂਦ ਹੋਣਗੇ।
ਸਭ ਤੋਂ ਵੱਡੀ ਉਮਰ ਦੀ ਬੱਚੀ ਨੂੰ ਸ਼ੱਕ ਹੋਇਆ ਅਤੇ ਉਹ ਆਪਣੇ ਤੋਂ ਛੋਟੇ ਦੋਵੇਂ ਬੱਚਿਆਂ ਨੂੰ ਲੈ ਕੇ ਘਰ ਚਲੀ ਗਈ ਅਤੇ ਉਸ ਨੇ ਆਪਣੇ ਮਾਪਿਆਂ ਨੂੰ ਘਟਨਾ ਬਾਰੇ ਦੱਸਿਆ।
ਮਾਮਲੇ ਦੀ ਜਾਂਚ ਜਾਰੀ ਹੈ।
ਇਸ 'ਚ ਪਹਿਲੇ ਸ਼ੱਕੀ ਨੂੰ 30 ਤੋਂ 40 ਸਾਲ ਦੇ ਦਰਮਿਆਨ ਦੀ ਉਮਰ ਦਾ ਕੌਕਿਯੀਅਨ ਵਿਅਕਤੀ ਦੱਸਿਆ ਗਿਆ ਹੈ।
ਉਸ ਦਾ ਕੱਦ ਕਰੀਬ 5'9" ਦੱਸਿਆ ਗਿਆ ਹੈ।
ਦੂਜੇ ਸ਼ੱਕੀ ਨੂੰ ਦੱਖਣ ਏਸ਼ੀਆਈ ਮੂਲ ਦਾ ਵਿਅਕਤੀ ਦੱਸਿਆ ਗਿਆ ਹੈ।
