10.28C Vancouver 10.28C VancouverNov 14, 2023 7:22 PM - Connect News
ਕੈਨੇਡਾ ਦਾ ਕਹਿਣਾ ਹੈ ਕਿ ਉਸ ਦੇ ਸਾਲਾਨਾ ਸਰਵੇਖਣ ਮੁਤਾਬਕ, ਮਾਰਚ 2023 ਵਿੱਚ ਲਗਭਗ 2 ਮਿਲੀਅਨ ਲੋਕਾਂ ਨੇ ਫੂਡ ਬੈਂਕ ਦੀ ਵਰਤੋਂ ਕੀਤੀ ਜੋ 1989 ਵਿੱਚ ਗਰੁੱਪ ਵੱਲੋਂ ਡੇਟਾ ਇਕੱਠਾ ਸ਼ੁਰੂ ਕਰਨ ਤੋਂ ਬਾਅਦ ਸਭ ਤੋਂ ਵੱਡੀ ਗਿਣਤੀ ਹੈ।
ਫੂਡ ਬੈਂਕਸ ਕੈਨੇਡਾ ਮੁਤਾਬਕ, ਮਹਿੰਗਾਈ ਅਤੇ ਰਹਿਣ ਦੀ ਉੱਚੀਆਂ ਕੀਮਤਾਂ ਕਾਰਨ ਲੋਕਾਂ ਵਿੱਚ ਭੋਜਨ ਦੀ ਅਸੁਰੱਖਿਆ ਵੱਧ ਰਹੀ ਹੈ, ਜਿਸ ਕਾਰਨ ਵਧੇਰੇ ਲੋਕ ਫੂਡ ਬੈਂਕਸ ਦੀ ਵਰਤੋਂ ਕਰ ਰਹੇ ਹਨ।
ਟਰਾਂਟੋ ਵਿੱਚ 10 ਲੋਕਾਂ ਵਿੱਚੋਂ ਇੱਕ ਵਿਅਕਤੀ ਫੂਡ ਬੈਂਕਸ ਦਾ ਇਸਤੇਮਾਲ ਕਰ ਰਿਹਾ ਹੈ।
ਡੇਲੀ ਬਰੈੱਡ ਅਤੇ ਨੌਰਥ ਯਾਰਕ ਹਾਵੈਸਟ ਫੂਡ ਬੈਂਕ ਦੀ Who's Hungry ਰਿਪੋਰਟ ਮੁਤਾਬਕ, ਅਪ੍ਰੈਲ 2022 ਅਤੇ ਮਾਰਚ 2023 ਵਿਚਕਾਰ 51 ਫੀਸਦੀ ਵੱਧ ਮੁਲਾਕਾਤ ਰਿਪੋਰਟ ਹੋਈਆਂ ਅਤੇ ਇਨ੍ਹਾਂ ਵਿੱਚ ਕਮੀ ਹੋਣ ਦਾ ਕੋਈ ਸੰਕੇਤ ਨਹੀਂ ਹੈ।
ਰਿਪੋਰਟ ਦਾ ਕਹਿਣਾ ਹੈ ਕਿ ਟਰਾਂਟੋ ਫੂਡ ਬੈਂਕ ਵਿੱਚ ਆਉਣ ਵਾਲਿਆਂ ਦੀ ਗਿਣਤੀ ਇਸ ਸਾਲ 3 ਮਿਲੀਅਨ ਨੂੰ ਪਾਰ ਕਰ ਜਾਣ ਦੀ ਉਮੀਦ ਹੈ।
ਫੂਡ ਬੈਂਕਸ ਨੇ ਇਸ ਹਾਲਾਤ ਨਾਲ ਨਜਿੱਠਣ ਲਈ ਸਰਕਾਰਾਂ ਤੋਂ ਐਕਸ਼ਨ ਦੀ ਮੰਗ ਕੀਤੀ ਹੈ।
ਰਿਪੋਰਟ ਵਿੱਚ ਸਰਕਾਰਾਂ ਨੂੰ ਸਮਾਜਿਕ ਸਹਾਇਤਾ ਪ੍ਰੋਗਰਾਮ ਵਿੱਚ ਸੁਧਾਰ ਕਰਨ ਅਤੇ ਕੀਮਤਾਂ ਨੂੰ ਕੰਟਰੋਲ ਕਰਨ ਦੇ ਨਾਲ-ਨਾਲ ਕਿਫਾਇਤੀ ਰਿਹਾਇਸ਼ ਵਿੱਚ ਨਿਵੇਸ਼ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
