9.97C Vancouver 9.97C VancouverNov 15, 2023 7:56 PM - The Canadian Press
ਕੈਨੇਡਾ ਵਿੱਚ ਪਿਛਲੇ ਮਹੀਨੇ ਘਰਾਂ ਦੀ ਮਹੀਨਾਵਾਰ ਵਿਕਰੀ ਘੱਟ ਰਹੀ।
ਕੈਨੇਡੀਅਨ ਰੀਅਲ ਅਸਟੇਟ ਐਸੋਸੀਏਸ਼ਨ ਵੱਲੋਂ ਬੁੱਧਵਾਰ ਨੂੰ ਜਾਰੀ ਕੀਤੀ ਰਿਪੋਰਟ ਮੁਤਾਬਕ, ਇਸ ਸਾਲ ਅਕਤੂਬਰ ਵਿੱਚ 33,921 ਘਰਾਂ ਦੀ ਵਿਕਰੀ ਹੋਈ ਜੋ ਪਿਛਲੇ ਸਾਲ ਦੇ ਇਸੇ ਮਹੀਨੇ ਨਾਲੋਂ ਮਾਮੂਲੀ 0.9 ਫੀਸਦੀ ਵੱਧ ਹੈ ਪਰ ਜੇ ਮਹੀਨੇ ਦਰ ਮਹੀਨੇ ਦੇਖੀਏ ਤਾਂ ਘਰਾਂ ਦੀ ਵਿਕਰੀ 5.6 ਫੀਸਦੀ ਡਾਊਨ ਹੋਈ ਹੈ ਕਿਉਂਕਿ ਇਸ ਦੌਰਾਨ ਵੱਡੇ ਬਾਜ਼ਾਰਾਂ ਵਿੱਚ ਸੁਸਤੀ ਸੀ।
ਉਥੇ ਹੀ ਇਸ ਵਿਚਕਾਰ ਨੈਸ਼ਨਲ ਐਵਰੇਜ ਘਰ ਦੀ ਕੀਮਤ ਇੱਕ ਸਾਲ ਪਹਿਲਾਂ ਦੇ ਮੁਕਾਬਲੇ 1.8 ਫੀਸਦੀ ਵੱਧ ਕੇ $656,625 'ਤੇ ਪਹੁੰਚ ਚੁੱਕੀ ਹੈ।
ਐਸੋਸੀਏਸ਼ਨ ਦੇ ਮੁਖੀ ਲੈਰੀ ਸਿਰਕੁਆ ਨੇ ਕਿਹਾ ਕਿ ਅਜਿਹਾ ਲੱਗਦਾ ਹੈ ਕਿ ਬਹੁਤ ਸਾਰੇ ਸੰਭਾਵੀ ਖਰੀਦਦਾਰਾਂ ਨੇ ਯੋਜਨਾ ਬਦਲ ਲਈ ਹੈ।
ਘਰਾਂ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਅਜੇ ਵੀ ਮੁੱਖ ਤੌਰ 'ਤੇ ਓਨਟੇਰੀਓ ਵਿੱਚ ਹੋ ਰਹੀ ਹੈ ਪਰ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਕੁਝ ਇਲਾਕਿਆਂ ਵਿੱਚ ਵੀ ਹੁਣ ਨਰਮੀ ਆਉਣ ਲੱਗੀ ਹੈ।
ਟੀ ਡੀ ਬੈਂਕ ਦੇ ਅਰਥ ਸ਼ਾਸਤਰੀ ਰਿਸ਼ੀ ਸੋਂਧੀ ਨੇ ਕਿਹਾ ਕਿ ਮੌਜੂਦਾ ਹਾਲਾਤ ਬੀਸੀ ਅਤੇ ਓਨਟੇਰੀਓ ਦੇ ਖਰੀਦਦਾਰਾਂ ਦੇ ਪੱਖ ਵਿੱਚ ਹਨ।
ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਮਹੀਨਿਆਂ ਵਿੱਚ ਇਨ੍ਹਾਂ ਦੋ ਬਾਜ਼ਾਰਾਂ ਵਿੱਚ ਕੀਮਤਾਂ ਹੋਰ ਘੱਟ ਹੋਣ ਦੀ ਸੰਭਾਵਨਾ ਹੈ।
