20.47C Vancouver 20.47C VancouverJul 1, 2022 12:13 AM - Connect News
ਮੈਟਰੋ ਵੈਨਕੂਵਰ ਦੇ ਇੱਕ ਮੈਸੇਓਰ ਨੂੰ ਜਿਨਸੀ ਹਮਲਿਆਂ ਦੇ ਮਾਮਲੇ 'ਚ ਦੋਸ਼ੀ ਪਾਇਆ ਗਿਆ ਹੈ।
ਕਥਿਤ ਤੌਰ 'ਤੇ ਇਹ ਜਿਨਸੀ ਹਮਲੇ ਮਸਾਜ ਕਰਵਾਉਣ ਲਈ ਪਹੁੰਚੇ ਕਲਾਇੰਟਸ 'ਤੇ ਵਾਪਰੇ ਸਨ।
ਮਾਮਲੇ 'ਚ 64 ਸਾਲਾ ਮੈਸੇਓਰ ਜੀਆਨ ਹਾਨ ਲਿਉ ਨੂੰ ਜਿਨਸੀ ਹਮਲੇ ਦੇ 2 ਮਾਮਲਿਆਂ 'ਚ ਦੋਸ਼ੀ ਪਾਇਆ ਗਿਆ ਹੈ।
ਇਸ ਵਿਅਕਤੀ ਨੂੰ ਸਾਲ 2020 'ਚ ਰਿਚਮੰਡ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ।
ਉਸ ਮੌਕੇ ਇੱਕ ਪੀੜਤ ਨੇ ਨਿਊ ਵੈਸਟਮਿਨਸਟਰ 'ਚ ਜਿਨਸੀ ਹਮਲੇ ਦੇ ਇਲਜਾਮ ਲਗਾਏ ਸਨ। ਪੁਲਿਸ ਨੇ ਦੱਸਿਆ ਸੀ ਕਿ ਪਹਿਲੇ ਪੀੜਤ ਦੇ ਸਾਹਮਣੇ ਆਉਣ ਤੋਂ ਬਾਅਦ ਹੋਰ ਪੀੜਤਾਂ ਨੇ ਵੀ ਅਜਿਹੀ ਸ਼ਿਕਾਇਤ ਕੀਤੀ ਸੀ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਸੀ ਕਿ ਹੋਰ ਕਿੰਨੇ ਪੀੜਤਾਂ ਨੇ ਇਸ ਵਿਅਕਤੀ ਖਿਲਾਫ ਸ਼ਿਕਾਇਤ ਦਿੱਤੀ ਸੀ।
ਅੱਜ ਦੇ ਫੈਸਲੇ ਸੰਬੰਧੀ ਨਿਊ ਵੈਸਟਮਿਨਸਟਰ ਪੁਲਿਸ ਨੇ ਕਿਹਾ ਕਿ ਉਹ ਪੀੜਤਾਂ ਲਈ ਡਿਪਾਰਟਮੈਂਟ ਦੇ ਵਿਕਟਿਮ ਅਸਿਸਟੈਂਸ ਯੂਨਿਟ ਦੇ ਦਰਵਾਜੇ ਖੁੱਲ੍ਹੇ ਰੱਖ ਰਹੇ ਹਨ।
