ਬੀ.ਸੀ. ਵਿੱਚ ਪਿਛਲੇ 5 ਸਾਲਾਂ ਵਿੱਚ ਕੰਮ ਵਾਲੀ ਥਾਂ ਉੱਤੇ ਹਿੰਸਾ ਦੀਆਂ ਘਟਨਾਵਾਂ ਵਿੱਚ 25 ਫੀਸਦੀ ਵਾਧਾ ਹੋਇਆ ਹੈ

ਵਰਕਸੇਫ ਬੀ.ਸੀ. ਵੱਲੋਂ ਕੰਮ-ਮਾਲਕਾਂ ਨੂੰ ਕੰਮ ਵਾਲੀ ਥਾਂ ਵਿਖੇ ਹਿੰਸਾ ਦੀ ਰੋਕਥਾਮ ਕਰਨ ਅਤੇ ਆਪਣੇ ਕਾਮਿਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਦੀ ਉਨ੍ਹਾਂ ਦੀ ਜਿੰਮੇਵਾਰੀ ਬਾਰੇ ਯਾਦ ਕਰਵਾਇਆ ਜਾ ਰਿਹਾ ਹੈ। ਪਿਛਲੇ ਪੰਜ ਸਾਲਾਂ ਦੌਰਾਨ, ਬੀ.ਸੀ. ਵਿੱਚ ਹਿੰਸਾ ਦੀਆਂ ਘਟਨਾਵਾਂ ਵਿੱਚ 25 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ। ਕਲੇਮਾਂ ਦਾ ਅੰਕੜਾ 2018 ਵਿੱਚ ਸਵੀਕਾਰ ਕੀਤੇ ਗਏ 2,292 ਕਲੇਮਾਂ ਤੋਂ ਵਧ ਕੇ 2022 ਵਿੱਚ 2,868 ਹੋ ਗਿਆ ਹੈ। ਕੰਮ ਵਾਲੀ ਥਾਂ ਵਿਖੇ ਜਿੱਥੇ ਕਿਤੇ ਹਿੰਸਾ ਦਾ ਖ਼ਤਰਾ ਹੁੰਦਾ ਹੈ, ਕੰਮ-ਮਾਲਕਾਂ ਨੂੰ ਲਾਜ਼ਮੀ ਤੌਰ 'ਤੇ ਉਨ੍ਹਾਂ ਖ਼ਤਰਿਆਂ ਨੂੰ ਖ਼ਤਮ ਕਰਨ ਜਾਂ ਘੱਟ ਤੋਂ ਘੱਟ ਕਰਨ ਲਈ ਉਪਾਅ ਲਾਗੂ ਕਰਨੇ ਚਾਹੀਦੇ ਹਨ। ਹਿੰਸਾ ਦੀ ਰੋਕਥਾਮ ਲਈ ਨੀਤੀਆਂ ਦਾ ਵਿਕਾਸ ਕਰਨਾ ਅਤੇ ਇਨ੍ਹਾਂ ਨੀਤੀਆਂ ਨੂੰ ਲਾਗੂ ਕਰਨਾ, ਕਰਮਚਾਰੀਆਂ ਨੂੰ ਸਿਖਲਾਈ ਅਤੇ ਸਿੱਖਿਆ ਪ੍ਰਦਾਨ ਕਰਾਉਣਾ, ਅਤੇ ਸਮੇਂ-ਸਮੇਂ 'ਤੇ ਖ਼ਤਰੇ ਦਾ ਮੁਲਾਂਕਣ ਕਰਨਾ ਉਪਾਵਾਂ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਕੰਮ ਦੀਆਂ ਸੁਰੱਖਿਅਤ ਪ੍ਰਕਿਰਿਆਵਾਂ ਦੇ ਨਾਲ-ਨਾਲ, ਪਰਤੱਖ ਰੁਕਾਵਟਾਂ, ਰੋਸ਼ਨੀ ਅਤੇ ਕੰਮ ਕਰਦੇ ਹੋਏ ਦੂਜੇ ਵਿਅਕਤੀਆਂ ਨੂੰ ਨਜ਼ਰ ਆਉਂਦੇ ਰਹਿਣਾ ਵੀ ਅਸਰਦਾਰ ਉਪਾਅ ਹੋ ਸਕਦੇ ਹਨ। ਕੰਮ-ਮਾਲਕ WorkSafeBC ਦੀ ਵੈੱਬਸਾਈਟ ‘ਤੇ ਜਾ ਕੇ ਵਧੇਰੇ ਜਾਣਕਾਰੀ ਲੈ ਸਕਦੇ ਹਨ www.worksafebc.com