8.92C Vancouver 8.92C VancouverAug 10, 2021 9:27 AM -
ਬੀਜੇਪੀ ਦੀ ਪਾਰਲੀਮੈਂਟਰੀ ਪਾਰਟੀ, ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਅੱਜ ਮੰਗਲਵਾਰ ਨੂੰ ਓਲੰਪਿਕਸ ਵਿੱਚ ਮਿਸਾਲੀ ਖੇਡ ਪ੍ਰਦਰਸ਼ਨ ਕਰਕੇ, ਟੋਕੀਓ ਤੋਂ ਪਰਤੇ ਖਿਡਾਰੀਆਂ ਦਾ ਖੜੇ ਹੋ ਕੇ ਸਵਾਗਤ ਕੀਤਾ।
ਬੈਠਕ ਦੌਰਾਨ, ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਭਾਜਪਾ ਦੇ ਐੱਮਪੀਸ ਨੂੰ ਖੇਡਾਂ ਵਿੱਚ ਹੋਰ ਭਾਗ ਲੈਣ ਲਈ ਉਤਸ਼ਾਹਿਤ ਕਰਨ ਲਈ ਆਖਿਆ।
ਕੇਂਦਰੀ ਪਾਰਲੀਮਾਨੀ ਮਾਮਲਿਆਂ ਦੇ ਮੰਤਰੀ ਪ੍ਰਲ੍ਹਾਦ ਜੋਸ਼ੀ ਨੇ ਬੈਠਕ ਬਾਰੇ ਦੱਸਦਿਆਂ ਆਖਿਆ,"ਇਹ ਚੱਲ ਰਹੇ ਮਾਨਸੂਨ ਇਜਲਾਸ ਦੀ ਆਖਰੀ ਬੈਠਕ ਸੀ। ਓਲੰਪਿਕਸ ਵਿੱਚ ਇੰਨੀ ਵੱਡੀ ਗਿਣਤੀ ਵਿੱਚ ਤਮਗ਼ੇ ਹਾਸਲ ਕਰਨਾ ਮਾਣ ਵਾਲੀ ਗੱਲ ਹੈ। ਅੱਜ ਸਾਰੇ ਐੱਮਪੀਜ਼ ਨੂੰ ਇੱਕ ਪ੍ਰੈਜ਼ੈਂਟੇਸ਼ਨ ਦਿੱਤੀ ਗਈ। ਜਦੋਂ ਪ੍ਰਧਾਨ ਮੰਤਰੀ ਐੱਮਪੀਜ਼ ਨੂੰ ਸੰਬੋਧਨ ਕਰ ਰਹੇ ਸਨ, ਤਾ ਭਾਜਪਾ ਐੱਮਪੀਜ਼ ਵੱਲੋਂ ਓਲੰਪਿਕਸ 'ਚ ਹਿੱਸਾ ਲੈਣ ਵਾਲਿਆਂ ਲਈ ਖੜੇ ਹੋ ਕੇ ਉਹਨਾਂ ਦਾ ਸਤਿਕਾਰ ਕੀਤਾ ਗਿਆ।"
ਉਨ੍ਹਾਂ ਦੱਸਿਆ ਕਿ ਪੀਐੱਮ ਮੋਦੀ ਨੇ ਪਾਰਟੀ ਦੇ ਐੱਮਪੀਜ਼ ਨੂੰ ਆਪੋ-ਆਪਣੇ ਹਲਕਿਆਂ ਵਿੱਚ, ਖਿਡਾਰੀਆਂ ਦੀ ਪ੍ਰਤਿਭਾ ਨੂੰ ਨਿਖਾਰਣ ਲਈ, ਸਹੀ ਸਿਖਲਾਈ ਦੇ ਪ੍ਰਬੰਧ ਕਰਨ ਲਈ ਆਖਿਆ।
"ਪ੍ਰਧਾਨ ਮੰਤਰੀ ਨੇ ਐੱਮਪੀਜ਼ ਨੂੰ ਬੱਚਿਆਂ ਵਿੱਚ ਪ੍ਰਤੀਯੋਗਿਤਾਵਾਂ ਜ਼ਰੀਏ ਖੇਡ ਪ੍ਰਤੀ ਭਾਵਨਾ ਦੇਖਣ ਲਈ ਵੀ ਆਖਿਆ। ਉਨ੍ਹਾਂ ਐੱਮਪੀਜ਼ ਨੂੰ ਖੇਡ ਭਾਵਨਾ ਪੈਦਾ ਕਰਨ ਅਤੇ ਖੇਡਾਂ ਦੀਆਂ ਸਰਗਰਮੀਆਂ ਵਿੱਚ ਹਿੱਸਾ ਲੈਣਾ ਸ਼ਾਮਲ ਕਰਨ ਲਈ ਵੀ ਆਖਿਆ,"ਮੰਤਰੀ ਨੇ ਆਖਿਆ।
ਪਰਲੀਮਨੀ ਬੈਠਕ ਦੌਰਾਨ, ਪੀਐੱਮ ਮੋਦੀ ਨੇ ਪਾਰਟੀ ਦੇ ਐੱਮਪੀਜ਼ ਨੂੰ ਖੇਡ ਦੀਆਂ ਸਰਗਰਮੀਆਂ ਵਿੱਚ ਹੋਰ ਭਾਗ ਲੈਣ ਲਈ ਪ੍ਰੇਰਣ, ਮੁਲਕ ਦੇ ਪੱਧਰ 'ਤੇ ਕੁਪੋਸ਼ਣ ਦੇ ਮਾਮਲਿਆਂ 'ਤੇ ਨਜ਼ਰ ਰੱਖਣ ਅਤੇ ਪੀਐੱਮ ਗਰੀਬ ਕਲਿਆਣ ਅੰਨ ਯੋਜਨਾ ਨੂੰ ਮੁਲਕ ਪੱਧਰ 'ਤੇ ਉਤਸ਼ਾਹਿਤ ਕਰਨ ਲਈ ਆਖਿਆ।
"ਪ੍ਰਧਾਨ ਮੰਤਰੀ ਨੇ ਆਖਿਆ ਹੈ ਕਿ ਕੋਈ ਵੀ ਗਰੀਬ ਪਰਿਵਾਰ ਆਯੂਸ਼ਮਾਨ ਭਾਰਤ ਗੋਲਡਨ ਕਾਰਡ ਤੋਂ ਵਾਂਝਾ ਨਾ ਰਹੇ, ਤਾਂ ਕਿ ਉਹਨਾਂ ਨੂੰ ਮੁਫ਼ਤ ਇਲਾਜ ਦੀ ਸਹੂਲਤ ਮਿਲ ਸਕੇ। ਉਨ੍ਹਾਂ ਐੱਮ ਪੀਜ਼ ਨੂੰ ਪੀਐੱਮ ਗਰੀਬ ਕਲਿਆਣ ਅੰਨ ਯੋਜਨਾ ਨੂੰ ਵੀ ਉਤਸ਼ਾਹਿਤ ਕਰਨ ਲਈ ਆਖਿਆ, ਤਾਂ ਜੋ ਹਰ ਕਿਸਾਨ ਨੂੰ ਇਸਦਾ ਫ਼ਾਇਦਾ ਹੋ ਸਕੇ,"ਉਹਨਾਂ ਆਖਿਆ।
ਦੱਸਣਯੋਗ ਹੈ ਕਿ ਭਾਰਤ ਨੇ ਹੁਣੇ ਹੋਈਆਂ ਓਲੰਪਿਕਸ ਖੇਡਾਂ ਵਿੱਚ ਤਮਗ਼ਾ ਫਹਿਰਿਸਤ ਵਿੱਚ 48 ਵੇਂ ਦਰਜੇ 'ਤੇ ਆਪਣੀ ਥਾਂ ਬਣਾਈ ਹੈ। ਮੁਲਕ ਨੇ - ਇੱਕ ਸੋਨ, ਦੋ ਚਾਂਦੀ ਅਤੇ ਚਾਰ ਤਾਂਸੇ ਦੇ ਤਮਗ਼ੇ ਜਿੱਤੇ ਹਨ।
ਨੇਜ਼ੇਬਾਜ਼ੀ ਵਿੱਚ ਨੀਰਜ ਚੋਪੜਾ ਨੇ ਸ਼ਨੀਵਾਰ ਨੂੰ ਸੋਨ ਤਮਗ਼ਾ ਜਿੱਤਿਆ ਅਤੇ ਸਿੱਟੇ ਵੱਜੋਂ, ਭਾਰਤ ਇਨ੍ਹਾਂ ਖੇਡਾਂ ਵਿੱਚ ਐਥੇਲੈਟਿਕਸ ਵਿੱਚ ਪਹਿਲਾ ਸੋਨ ਤਮਗ਼ਾ ਜਿੱਤਿਆ।
ਬਜਰੰਗ ਪੂਨੀਆ (ਕਾਂਸਾ), ਮੀਰਾਬਾਈ ਚਾਨੁ (ਚਾਂਦੀ), ਪੀਵੀ ਸਿੰਧੂ (ਕਾਂਸਾ), ਲੋਵਲੀਨਾ ਬੋਰਗੋਹੈਨ (ਕਾਂਸਾ), ਮਰਦਾਂ ਦੀ ਹਾਕੀ ਟੀਮ (ਕਾਂਸਾ) ਅਤੇ ਰਵੀ ਕੁਮਾਰ ਦਹੀਆ (ਚਾਂਦੀ) ਨੇ ਵੀ ਟੋਕੀਓ ਖੇਡ ਵਿੱਚ ਤਮਗ਼ੇ ਜਿੱਤੇ।
