18.93C Vancouver 18.93C VancouverAug 11, 2025 1:45 PM - The Canadian Press
ਏਅਰ ਕੈਨੇਡਾ ਦੇ ਫਲਾਈਟ ਅਟੈਂਡੈਂਟ ਸੰਭਾਵੀ ਹੜਤਾਲ ਤੋਂ ਪਹਿਲਾਂ ਅੱਜ ਇੱਕੋ ਹੀ ਸਮੇਂ 'ਤੇ 4 ਪ੍ਰਮੁੱਖ ਸ਼ਹਿਰਾਂ ਦੇ ਹਵਾਈ ਅੱਡੇ 'ਤੇ ਸੰਕੇਤਿਕ ਪ੍ਰਦਰਸ਼ਨ ਕਰਨਗੇ,
ਕੈਨੇਡੀਅਨ ਯੂਨੀਅਨ ਆਫ਼ ਪਬਲਿਕ ਇੰਪਲਾਈਜ਼ ਦਾ ਕਹਿਣਾ ਹੈ ਕਿ ਵੈਨਕੂਵਰ ਇੰਟਰਨੈਸ਼ਨਲ ਏਅਰਪੋਰਟ, ਕੈਲਗਰੀ ਇੰਟਰਨੈਸ਼ਨਲ ਏਅਰਪੋਰਟ, ਮਾਂਟਰੀਅਲ ਦੇ ਪੀਅਰੇ ਐਲੀਅਟ ਟਰੂਡੋ ਇੰਟਰਨੈਸ਼ਨਲ ਏਅਰਪੋਰਟ ਅਤੇ ਟੋਰਾਂਟੋ ਪੀਅਰਸਨ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਔਟਵਾ ਦੇ ਸਮੇਂ ਮੁਤਾਬਕ, ਦੁਪਹਿਰ 1 ਵਜੇ ਸੰਕੇਤਿਕ ਪ੍ਰਦਰਸ਼ਨ ਹੋਵੇਗਾ।
ਗੌਰਤਲਬ ਹੈ ਕਿ ਏਅਰ ਕੈਨੇਡਾ ਅਤੇ ਇਸ ਦੇ ਫਲਾਈਟ ਅਟੈਂਡੈਂਟ ਸਾਲ ਦੇ ਸ਼ੁਰੂ ਤੋਂ ਹੀ ਇਕਰਾਰਨਾਮੇ ਸਬੰਧੀ ਗੱਲਬਤ ਵਿਚ ਸ਼ਾਮਲ ਹਨ ਪਰ ਦੋਵੇਂ ਧਿਰਾਂ ਦੇ ਕਿਸੇ ਸਮਝੌਤੇ 'ਤੇ ਨਾ ਪਹੁੰਚਣ ਕਾਰਨ ਹਾਲ ਹੀ ਵਿਚ ਯੂਨੀਅਨ ਵਲੋਂ ਕਰਾਈ ਵੋਟ ਵਿਚ 99.7 ਫੀਸਦੀ ਮੈਂਬਰ ਨੇ ਹੜਤਾਲ ਦੇ ਪੱਖ ਵਿਚ ਮਤਦਾਨ ਕੀਤਾ ਸੀ, ਜਿਸ ਦਾ ਮਤਲਬ ਹੈ ਕਿ ਫਲਾਈਟ ਅਟੈਂਡੈਂਟ ਘੱਟੋ-ਘੱਟ 72 ਘੰਟਿਆਂ ਦਾ ਨੋਟਿਸ ਦੇ ਕੇ 16 ਅਗਸਤ ਨੂੰ ਵੱਡੇ ਤੜਕੇ 12:01 ਵਜੇ ਹੜਤਾਲ ਸ਼ੁਰੂ ਕਰ ਸਕਦੇ ਹਨ।
ਹਾਲਾਂਕਿ, ਏਅਰ ਕੈਨੇਡਾ ਦਾ ਮੰਨਣਾ ਹੈ ਕਿ ਹਜ਼ਾਰਾਂ ਯਾਤਰੀਆਂ ਦੀਆਂ ਯੋਜਨਾਵਾਂ ਵਿਚ ਵਿਘਨ ਪੈਣ ਤੋਂ ਪਹਿਲਾਂ ਉਸ ਕੋਲ ਯੂਨੀਅਨ ਨਾਲ ਕਿਸੇ ਸਮਝੌਤੇ 'ਤੇ ਪਹੁੰਚਣ ਲਈ ਅਜੇ ਵੀ ਸਮਾਂ ਹੈ।
