24.42C Vancouver 24.42C VancouverAug 21, 2025 4:13 PM - Connect Newsroom
ਏਅਰ ਕੈਨੇਡਾ ਦੀਆਂ ਜ਼ਿਆਦਾਤਰ ਉਡਾਣਾਂ ਬਹਾਲ ਹੋ ਗਈਆਂ ਹਨ ਅਤੇ ਅਗਲੇ 24 ਘੰਟਿਆਂ ਵਿਚ ਪੂਰੇ ਨੈੱਟਵਰਕ ਦੀਆਂ 95 ਫੀਸਦੀ ਉਡਾਣਾਂ ਸਰਵਿਸ ਵਿਚ ਵਾਪਸ ਆਉਣ ਦੀ ਸੰਭਾਵਨਾ ਜਤਾਈ ਗਈ ਹੈ। ਏਅਰਲਾਈਨ ਨੇ ਕਿਹਾ ਕਿ 94 ਫੀਸਦੀ ਇੰਟਰਨੈਸ਼ਨਲ ਉਡਾਣਾਂ ਅਗਲੇ 24 ਘੰਟਿਆਂ ਦੌਰਾਨ ਚੱਲਣ ਦੀ ਉਮੀਦ ਹੈ।
ਬੀਤੇ ਕੱਲ੍ਹ ਤੱਕ ਏਅਰ ਕੈਨੇਡਾ ਅਤੇ ਏਅਰ ਕੈਨੇਡਾ ਰੂਜ਼ ਦੇ 234 ਜਹਾਜ਼ ਸਰਵਿਸ ਵਿਚ ਸਨ। ਏਅਰਲਾਈਨ ਨੇ ਕਿਹਾ ਕਿ ਬੁੱਧਵਾਰ ਉਸ ਨੇ ਲਗਭਗ 900 ਉਡਾਣਾਂ ਦਾ ਸੰਚਾਲਨ ਕੀਤਾ। ਏਅਰ ਕੈਨੇਡਾ ਨੇ ਕਿਹਾ ਕਿ ਪੂਰੀ ਨਿਯਮਿਤ ਸੇਵਾ ਵਿਚ ਅਜੇ ਕੁਝ ਸਮਾਂ ਲੱਗੇਗਾ ਅਤੇ ਯਾਤਰਾ ਯੋਜਨਾਵਾਂ ਵਿਚ ਕਿਸੇ ਵੀ ਬਦਲਾਅ ਬਾਰੇ ਗਾਹਕ ਨੂੰ ਸੂਚਿਤ ਕੀਤਾ ਜਾਂਦਾ ਰਹੇਗਾ।
ਗੌਰਤਲਬ ਹੈ ਕਿ ਫਲਾਈਟ ਅਟੈਂਡੈਂਟ ਦੀ ਹੜਤਾਲ ਨੂੰ ਖਤਮ ਕਰਨ ਵਾਲੇ ਅਸਥਾਈ ਸਮਝੌਤੇ 'ਤੇ 27 ਅਗਸਤ ਤੋਂ 6 ਸਤੰਬਰ ਤੱਕ ਵੋਟਿੰਗ ਹੋਵੇਗੀ। ਦੱਸਿਆ ਜਾਂਦਾ ਹੈ ਕਿ ਫੈਡਰਲ ਸਰਕਾਰ ਉਨ੍ਹਾਂ ਦੋਸ਼ਾਂ ਦੀ ਵੀ ਜਾਂਚ ਕਰ ਰਹੀ ਹੈ ਕਿ ਜਦੋਂ ਜਹਾਜ਼ ਹਵਾ ਵਿਚ ਨਹੀਂ ਹੁੰਦੇ ਤਾਂ ਫਲਾਈਟ ਅਟੈਂਡੈਂਟ ਨੂੰ ਕੰਮ ਲਈ ਭੁਗਤਾਨ ਨਹੀਂ ਕੀਤਾ ਜਾਂਦਾ।
