13.84C Vancouver 13.84C VancouverDec 4, 2024 5:57 PM - Connect Newsroom
ਵੈਨਕੂਵਰ ਏਅਰਪੋਰਟ ਤੋਂ ਏਅਰ ਕੈਨੇਡਾ ਦੀ ਫਲਾਈਟ ਲੈਣ ਵਾਲੇ ਯਾਤਰੀ ਹੁਣ ਆਪਣੇ ਚਿਹਰੇ ਨੂੰ ਪਛਾਣ ਪੱਤਰ ਦੇ ਰੂਪ ਵਿਚ ਇਸਤੇਮਾਲ ਕਰ ਸਕਣਗੇ। ਏਅਰ ਲਾਈਨ ਨੇ ਇੱਥੇ ਚਿਹਰੇ ਦੀ ਪਛਾਣ ਸਿਸਟਮ ਤਹਿਤ ਡਿਜੀਟਲ ਪਛਾਣ ਸ਼ੁਰੂ ਕਰ ਦਿੱਤੀ ਹੈ।
ਫਿਲਹਾਲ ਇਹ ਸੁਵਿਧਾ ਸਿਰਫ ਘਰੇਲੂ ਉਡਾਣਾਂ ’ਚ ਹੈ। ਜਿਹੜੇ ਯਾਤਰੀ ਇਸ ਦੀ ਵਰਤੋਂ ਕਰਨਾ ਚਾਹੁੰਦੇ ਹਨ ਉਨ੍ਹਾਂ ਨੂੰ ਏਅਰ ਕੈਨੇਡਾ ਐਪ ਡਾਊਨਲੋਡ ਕਰਨੀ ਹੋਵੇਗੀ ਅਤੇ ਇਸ ਵਿਚ ਆਪਣੇ ਪਾਸਪੋਰਟ ਦੀ ਫੋਟੋ ਅਤੇ ਸੈਲਫੀ ਸਬਮਿਟ ਕਰਨੀ ਹੋਵੇਗੀ।
ਹਾਲਾਂਕਿ, ਏਅਰਲਾਈਨ ਨੇ ਕਿਹਾ ਕਿ ਉਸ ਦੇ ਯਾਤਰੀਆਂ ਨੂੰ ਹਵਾਈ ਅੱਡੇ ਦੀ ਸੁਰੱਖਿਆ ਤੋਂ ਲੰਘਣ ਲਈ ਅਜੇ ਵੀ ਨਿਯਮਤ ਆਈਡੀ ਦਿਖਾਉਣ ਦੀ ਲੋੜ ਹੋਵੇਗੀ ਪਰ ਉਸ ਤੋਂ ਅੱਗੇ ਉਹ ਏਅਰਪੋਰਟ ਦੇ ਚੈਕਪੁਆਇੰਟ ਤੋਂ ਆਸਾਨੀ ਨਾਲ ਲੰਘ ਸਕਦੇ ਹਨ।
ਇਸ ਦੇ ਨਾਲ ਹੀ ਏਅਰਲਾਈਨ ਨੇ ਸਪੱਸ਼ਟ ਕੀਤਾ ਕਿ ਯਾਤਰੀ ਦਾ ਸਫਰ ਪੂਰਾ ਹੋ ਜਾਣ ’ਤੇ ਉਸ ਦਾ ਬਾਇਓਮੈਟ੍ਰਿਕ ਡੇਟਾ 36 ਘੰਟੇ ਦੇ ਅੰਦਰ ਹਟਾ ਦਿੱਤਾ ਜਾਵੇਗਾ ਅਤੇ ਇਹ ਏਅਰ ਕੈਨੇਡਾ ਦੇ ਡਿਜੀਟਲ ਪ੍ਰੋਫਾਇਲ ਦਾ ਹਿੱਸਾ ਨਹੀਂ ਰਹੇਗਾ।
