ਬੀ.ਸੀ. 'ਚ ਏਅਰਪੋਰਟ ਸੁਧਾਰਾਂ ਲਈ ਨਿਵੇਸ਼ ਕੀਤੇ ਜਾ ਰਹੇ 6.2 ਮਿਲੀਅਨ ਡਾਲਰ

ਬ੍ਰਿਟਿਸ਼ ਕੋਲੰਬੀਆ ਵਿਚ ਖੇਤਰੀ ਹਵਾਈ ਅੱਡੇ, ਹੈਲੀਪੋਰਟ ਅਤੇ ਵਾਟਰ ਐਰੋਡਰੋਮਜ਼ ਸੇਵਾਵਾਂ 'ਤੇ ਨਿਰਭਰ ਭਾਈਚਾਰੇ ਲਈ ਸਪੋਰਟ ਵਧਣ ਜਾ ਰਹੀ ਹੈ। ਪ੍ਰੀਮੀਅਰ ਡੇਵਿਡ ਈਬੀ ਸਰਕਾਰ ਨੇ ਇਸ ਸਾਲ ਬੀ.ਸੀ. ਏਅਰ ਐਕਸੈਸ ਪ੍ਰੋਗਰਾਮ ਤਹਿਤ $6.2 ਮਿਲੀਅਨ ਖ਼ਰਚ ਕਰਨ ਦਾ ਐਲਾਨ ਕੀਤਾ ਹੈ।

ਟਰਾਂਸਪੋਰਟੇਸ਼ਨ ਅਤੇ ਆਵਾਜਾਈ ਮੰਤਰੀ ਮਾਈਕ ਫਾਰਨਵਰਥ ਨੇ ਕਿਹਾ ਕਿ ਬੀ.ਸੀ. ਏਅਰ ਐਕਸੈਸ ਪ੍ਰੋਗਰਾਮ ਜ਼ਰੀਏ ਅਸੀਂ ਉਹਨਾਂ ਹਵਾਈ ਅੱਡਿਆਂ ਨੂੰ ਅੱਪਗ੍ਰੇਡ ਕਰਨ ਲਈ ਸਪੋਰਟ ਕਰ ਰਹੇ ਹਾਂ ਜਿਸ ਨਾਲ ਸਾਡੀਆਂ ਕਮਿਊਨਿਟੀ ਲਈ ਪਹੁੰਚ ਵਿਚ ਸੁਧਾਰ ਹੋਵੇਗਾ।

ਉਹਨਾਂ ਕਿਹਾ ਕਿ ਸਾਡੇ ਪੇਂਡੂ ਅਤੇ ਖੇਤਰੀ ਹਵਾਈ ਅੱਡੇ ਵਿਚ ਇਹ ਸੁਧਾਰ ਲੋਕਾਂ ਨੂੰ ਬੀਸੀ ਦੇ ਹੋਰ ਹਿੱਸਿਆ ਨਾਲ ਜੁੜੇ ਰੱਖਣ ਅਤੇ ਸਾਡੀ ਅਰਥਵਿਵਸਥਾ ਨੂੰ ਅੱਗੇ ਵਧਾਉਣ ਵਿਚ ਮਦਦ ਕਰਨਗੇ। ਸੂਬੇ ਭਰ ਵਿਚ ਅਜਿਹੇ 16 ਹਵਾਈ ਅੱਡਿਆਂ ਨੂੰ ਅੱਪਗ੍ਰੇਡ ਕੀਤਾ ਜਾਵੇਗਾ।

ਸਰਕਾਰ ਨੇ ਕਿਹਾ ਕਿ ਹਾਲਾਂਕਿ, ਹਵਾਈ ਅੱਡੇ ਫੈਡਰਲ ਸਰਕਾਰ ਦੇ ਅਧਿਕਾਰ ਖੇਤਰ ਵਿਚ ਆਉਂਦੇ ਹਨ ਪਰ ਸੂਬਾ ਆਪਣੇ ਲੋਕਾਂ ਲਈ ਛੋਟੇ ਹਵਾਈ ਅੱਡਿਆਂ ਦੀ ਮਹੱਤਤਾ ਨੂੰ ਸਮਝਦਾ ਹੈ।

(The image used in the story has been extracted from BC govt's following link)

chrome-extension://efaidnbmnnnibpcajpcglclefindmkaj/https://www2.gov.bc.ca/assets/gov/driving-and-transportation/funding-engagement-permits/grants-funding/funding-airport/documents/bcaap-guidelines-2023-24.pdf