13.34C Vancouver 13.34C VancouverMar 9, 2026 7:20 PM - Connect Newsroom - Ramandeep Kaur
ਐਡਮਿੰਟਨ ਵਿੱਚ ਸਕੂਲਾਂ ਦੀ ਘਾਟ ਨੂੰ ਪੂਰਾ ਕਰਨ ਲਈ ਐਲਬਰਟਾ ਦੇ ਐਜੂਕੇਸ਼ਨ ਮੰਤਰੀ ਡੇਮੇਟ੍ਰੀਓਸ ਨਿਕੋਲਾਈਡੇਸ ਨੇ 10 ਨਵੇਂ ਸਕੂਲ ਪ੍ਰੋਜੈਕਟਾਂ ਦਾ ਐਲਾਨ ਕੀਤਾ ਹੈ। ਇਸ ਐਲਾਨ ਨਾਲ ਸਿਟੀ ਵਿੱਚ ਚੱਲ ਰਹੇ ਕੁੱਲ ਪਬਲਿਕ ਸਕੂਲ ਪ੍ਰੋਜੈਕਟਾਂ ਦੀ ਗਿਣਤੀ 37 ਹੋ ਗਈ ਹੈ।
ਸਾਲ 2026 ਦੇ ਬਜਟ ਅਧੀਨ ਐਲਾਨੇ ਗਏ ਇਨ੍ਹਾਂ 10 ਪ੍ਰੋਜੈਕਟਾਂ ਵਿੱਚ 8 ਨਵੇਂ ਸਕੂਲ ਅਤੇ 2 ਰਿਪਲੇਸਮੈਂਟ ਸਕੂਲ ਸ਼ਾਮਲ ਹਨ। ਇਹ ਸਕੂਲ ਮੁੱਖ ਤੌਰ 'ਤੇ ਸ਼ਹਿਰ ਦੇ ਉਨ੍ਹਾਂ ਬਾਹਰੀ ਇਲਾਕਿਆਂ ਵਿੱਚ ਬਣਾਏ ਜਾਣਗੇ ਜਿੱਥੇ ਆਬਾਦੀ ਤੇਜ਼ੀ ਨਾਲ ਵੱਧ ਰਹੀ ਹੈ।ਮੰਤਰੀ ਅਨੁਸਾਰ ਇਨ੍ਹਾਂ 10 ਪ੍ਰੋਜੈਕਟਾਂ ਨਾਲ ਲਗਭਗ 8,400 ਨਵੀਆਂ ਸੀਟਾਂ ਉਪਲਬਧ ਹੋਣਗੀਆਂ।
ਪਿਛਲੇ ਤਿੰਨ ਸਾਲਾਂ ਵਿੱਚ ਸੂਬੇ ਦੇ ਸਕੂਲਾਂ ਵਿੱਚ 80,000 ਤੋਂ ਵੱਧ ਨਵੇਂ ਵਿਦਿਆਰਥੀਆਂ ਨੇ ਦਾਖਲੇ ਲਏ ਹਨ, ਜਿਸ ਕਾਰਨ ਕਲਾਸਰੂਮਜ਼ ਵਿੱਚ ਥਾਂ ਦੀ ਕਾਫੀ ਕਮੀ ਹੋ ਗਈ ਹੈ। ਇਹ ਸਾਰੇ 10 ਪ੍ਰੋਜੈਕਟ ਇਸ ਸਮੇਂ ਯੋਜਨਾਬੰਦੀ ਜਾਂ ਡਿਜ਼ਾਈਨ ਦੇ ਪੜਾਅ ਵਿੱਚ ਹਨ।
