15.3C Vancouver 15.3C VancouverJul 10, 2025 6:22 PM - The Canadian Press
ਐਲਬਰਟਾ ਸਰਕਾਰ ਵੱਲੋਂ ਅਣਇੱਛਤ ਡਰੱਗ ਇਲਾਜ ਪ੍ਰਣਾਲੀ ਦੀ ਅਗਵਾਈ ਲਈ ਵਕੀਲ ਅਤੇ ਸੂਬਾਈ ਨੀਤੀ ਸਲਾਹਕਾਰ ਜੋਨਾਥਨ ਕਾਰਲਜ਼ੋਨ ਨੂੰ ਨਿਯੁਕਤ ਕੀਤਾ ਹੈ।
ਜ਼ਿਕਰਯੋਗ ਹੈ ਕਿ ਇਸ ਸਾਲ ਦੇ ਸ਼ੁਰੂ ਵਿੱਚ ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਸਰਕਾਰ ਨੇ ਲੋਕਾਂ ਨੂੰ ਉਨ੍ਹਾਂ ਦੀ ਸਹਿਮਤੀ ਤੋਂ ਬਿਨਾਂ ਨਸ਼ਾ ਮੁਕਤੀ ਲਈ ਇਲਾਜ ਦੀ ਸਹੂਲਤ ਦੇਣ ਸੰਬੰਧੀ ਇੱਕ ਕਾਨੂੰਨ ਪਾਸ ਕੀਤਾ ਸੀ।
ਸਰਕਾਰ ਦਾ ਕਹਿਣਾ ਹੈ ਕਿ ਕਾਰਲਜ਼ੋਨ ਕੋਲ ਸੂਬਾ ਸਿਹਤ ਸੇਵਾਵਾਂ ਅਤੇ ਨੀਤੀ ਸਲਾਹਕਾਰ ਵਜੋਂ 20 ਸਾਲਾਂ ਤੋਂ ਵੱਧ ਦਾ ਤਜਰਬਾ ਹੈ। ਗੌਰਤਲਬ ਹੈ ਕਿ ਐਲਬਰਟਾ ਦਾ ਇਹ ਕਾਨੂੰਨ ਨਸ਼ਾ ਕਰਨ ਵਾਲੇ ਲੋਕਾਂ ਨੂੰ ਜੋ ਸਮਾਜ ਲਈ ਖ਼ਤਰਾ ਹਨ ਨੂੰ ਪੁਲਿਸ ਵੱਲੋਂ ਗ੍ਰਿਫਤਾਰ ਕਰਨ ਅਤੇ ਤਿੰਨ ਤੋਂ ਛੇ ਮਹੀਨੇ ਲਈ ਉਨ੍ਹਾਂ ਦੇ ਇਲਾਜ ਕਰਨ ਦਾ ਅਧਿਕਾਰ ਦਿੰਦਾ ਹੈ।
