ਐਲਬਰਟਾ ਸਰਕਾਰ ਨਵੇਂ ਆਡੀਟਰ ਜਨਰਲ ਦੀ ਕਰ ਰਹੀ ਹੈ ਭਾਲ

ਐਲਬਰਟਾ ਸਰਕਾਰ ਨਵੇਂ ਆਡੀਟਰ ਜਨਰਲ ਦੀ ਭਾਲ ਕਰ ਰਹੀ ਹੈ ਹਾਲਾਂਕਿ ਸੂਬੇ ਦੀ ਵਿਰੋਧੀ ਧਿਰ ਐਨ.ਡੀ.ਪੀ. ਦਾ ਕਹਿਣਾ ਹੈ ਕਿ ਸਰਕਾਰ ਸਿਹਤ-ਹੈਲਥ ਕੇਅਰ ਕੰਟਰੈਕਟਿੰਗ ਸਕੈਂਡਲ ਦੀ ਜਾਂਚ ਪੂਰੀ ਕਰਨ ਤੋਂ ਪਹਿਲਾਂ ਹੀ ਮੌਜੂਦਾ ਆਡੀਟਰ ਜਨਰਲ ਨੂੰ ਅਹੁਦੇ ਤੋਂ ਹਟਾਉਣ ਲਈ ਮਜਬੂਰ ਕਰ ਰਹੀ ਹੈ।

ਦੱਸ ਦੇਈਏ ਕਿ ਆਡੀਟਰ ਜਨਰਲ ਡੱਗ ਵਾਈਲੀ ਇਸ ਸਮੇਂ ਐਲਬਰਟਾ ਹੈਲਥ ਸਰਵਿਸਸ ਦੀ ਸਾਬਕਾ ਮੁਖੀ ਵਲੋਂ ਲਾਏ ਹੈਲਥ ਕੰਟਰੈਕਟ ਦੇ ਦੋਸ਼ਾਂ ਦੀ ਜਾਂਚ ਕਰ ਰਹੇ ਹਨ। ਅਜੇ ਤੱਕ ਦੋਸ਼ ਅਦਾਲਤ ਵਿਚ ਸਾਬਤ ਨਹੀਂ ਹੋ ਸਕੇ। ਸਰਕਾਰ ਨੇ ਕਿਸੇ ਵੀ ਗਲਤ ਕੰਮ ਤੋਂ ਇਨਕਾਰ ਕੀਤਾ ਹੈ।

ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਸਾਬਕਾ ਏ.ਐਚ.ਐਸ. ਮੁਖੀ ਅਥਾਨਾ ਮੈਂਟਜ਼ੇਲੋਪੋਲੋਸ ਨੂੰ ਖਰਾਬ ਕਾਰਗੁਜ਼ਾਰੀ ਕਾਰਨ ਬਰਖਾਸਤ ਕੀਤਾ ਗਿਆ ਸੀ,ਨਾ ਕਿ ਇਸ ਲਈ ਕਿ ਉਹ ਹੈਲਥ ਕੰਟਰੈਕਟ ਦੀ ਜਾਂਚ ਕਰ ਰਹੀ ਸੀ। ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਦੀ ਵਿਧਾਨ ਸਭਾ ਕਮੇਟੀ ਦੇ ਮੈਂਬਰਾਂ ਨੇ ਨਵੇਂ ਆਡੀਟਰ ਜਨਰਲ ਦੀ ਭਾਲ ਲਈ ਜ਼ੋਰ ਪਾਇਆ ਹੈ।