ਐਲਬਰਟਾ ਸਰਕਾਰ ਘਰੇਲੂ ਅਤੇ ਵਪਾਰਕ ਹੀਟਿੰਗ ਬਾਲਣ ਦੇ ਰੂਪ ਵਿਚ ਹਾਈਡ੍ਰੋਜਨ ਨੂੰ ਹਰੀ ਝੰਡੀ ਦੇਣ ਤੇ ਕਰ ਰਹੀ ਵਿਚਾਰ

ਐਲਬਰਟਾ ਸਰਕਾਰ ਘਰੇਲੂ ਅਤੇ ਵਪਾਰਕ ਹੀਟਿੰਗ ਬਾਲਣ ਦੇ ਰੂਪ ਵਿਚ ਹਾਈਡ੍ਰੋਜਨ ਨੂੰ ਹਰੀ ਝੰਡੀ ਦੇਣ ਦਾ ਵਿਚਾਰ ਕਰ ਰਹੀ ਹੈ ਕਿਉਂਕਿ ਗੈਸ ਨਿਕਾਸੀ ਵਿਚ ਕਟੌਤੀ ਆਵੇਗੀ। ਜੇਕਰ ਇਹ ਬਿੱਲ ਪਾਸ ਹੋ ਜਾਂਦਾ ਹੈ ਤਾਂ ਯੂਟੀਲਿਟੀ ਮੰਤਰੀ ਨੇਥਨ ਨਿਊਡੋਰਫ ਵਲੋਂ ਉਪਯੋਗੀ ਕੰਪਨੀਆਂ ਨੂੰ ਹਾਈਡ੍ਰੋਜਨ ਨੂੰ ਕੁਦਰਤੀ ਗੈਸ ਦੀ ਸਪਲਾਈ ਵਿਚ ਮਿਲਾਉਣ ਦੀ ਇਜਾਜ਼ਤ ਮਿਲੇਗੀ।

ਇਸ ਦੇ ਲਈ ਗ੍ਰਾਹਕਾਂ ਦੇ ਦਸਤਖ਼ਤ ਲਏ ਜਾਣਗੇ। ਨਿਊਡੋਰਫ ਮੁਤਾਬਕ ਉਹ ਸੂਬੇ ਦੀ ਸੁਰੱਖਿਆ ਨੂੰ ਪਹਿਲ ਦਿੰਦੇ ਹਨ। ਉਹ ਇਸ ਦੀ ਮਿਲਾਵਟ ਲਈ ਦਰ ਵੀ ਨਿਸ਼ਚਿਤ ਕਰਨਗੇ ਕਿਉਂਕਿ ਹਾਈਡ੍ਰੋਜਨ ਮੀਥੇਨ ਦੇ ਮੁਕਾਬਲੇ ਜਲਦੀ ਅੱਗ ਫੜਦੀ ਹੈ। ਇਸ ਲਈ ਸਭ ਯੋਜਨਾਬੱਧ ਤਰੀਕੇ ਨਾਲ ਕੀਤਾ ਜਾਵੇਗਾ।

ਸੂਬੇ ਦੇ ਗਰਿੱਡ ਸਿਸਟਮ ਲਈ ਨਵੇਂ ਨਿਯਮ ਤੈਅ ਕੀਤੇ ਜਾਣਗੇ। ਇਹ ਬਦਲਾਅ ਘਰਾਂ ਦੇ ਹੀਟਿੰਗ ਸਿਸਟਮ ਅਤੇ ਬਿਜਲੀ ਬਾਜ਼ਾਰ ਨੂੰ ਸਮਰੱਥ ਬਣਾਵੇਗਾ।