ਐਲਬਰਟਾ ਸਰਕਾਰ ਨੇ ਡੌਕਟਰੀ ਸਲਾਹ ਨਾਲ ਇਛੁੱਕ ਮੌਤ ਦੀਆਂ ਹਿਦਾਇਤਾਂ ਸਬੰਧੀ ਨਵਾਂ ਬਿੱਲ ਕੀਤਾ ਪੇਸ਼

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਯੂ.ਸੀ.ਪੀ.ਸਰਕਾਰ ਨੇ ਬੁੱਧਵਾਰ ਵਿਧਾਨ ਸਭਾ ਵਿੱਚ ਇੱਕ ਨਵਾਂ ਬਿੱਲ ਪੇਸ਼ ਕੀਤਾ,ਜਿਸ ਦਾ ਮਕਸਦ ਸੂਬੇ ਵਿੱਚ 'ਮੈਡੀਕਲ ਅਸਿਸਟੈਂਸ ਇਨ ਡਾਈਂਗ' (MAID) ਦੀ ਚੋਣ ਕਰਨ ਵਾਲੇ ਨਿਯਮਾਂ ਨੂੰ ਕਾਫ਼ੀ ਸੀਮਤ ਕਰਨਾ ਹੈ। ਹੁਣ MAID ਦੀ ਸਹੂਲਤ ਸਿਰਫ਼ ਉਨ੍ਹਾਂ ਲੋਕਾਂ ਨੂੰ ਮਿਲੇਗੀ ਜਿਨ੍ਹਾਂ ਦੀ ਮੌਤ ਇੱਕ ਸਾਲ ਦੇ ਅੰਦਰ ਕੁਦਰਤੀ ਕਾਰਨਾਂ ਨਾਲ ਹੋਣ ਦੀ ਪੂਰੀ ਸੰਭਾਵਨਾ ਹੈ। ਨਵੇਂ ਨਿਯਮਾਂ ਤਹਿਤ ਸਿਰਫ਼ ਮਾਨਸਿਕ ਬਿਮਾਰੀ ਦੇ ਆਧਾਰ 'ਤੇ ਇੱਛਾ ਮੌਤ ਲੈਣ 'ਤੇ ਪੂਰੀ ਪਾਬੰਦੀ ਲਗਾਈ ਗਈ ਹੈ।

ਸਮਿਥ ਨੇ ਕਿਹਾ ਕਿ ਮਾਨਸਿਕ ਸੰਕਟ ਜਾਂ ਨਿਰਾਸ਼ਾ ਦੇ ਸਮੇਂ ਮੌਤ ਨੂੰ ਹੱਲ ਵਜੋਂ ਨਹੀਂ ਦੇਖਿਆ ਜਾਣਾ ਚਾਹੀਦਾ 18 ਸਾਲ ਤੋਂ ਘੱਟ ਉਮਰ ਦੇ ਨਾਬਾਲਗਾਂ ਲਈ ਇਹ ਸਹੂਲਤ ਪਹਿਲਾਂ ਵਾਂਗ ਹੀ ਬੰਦ ਰਹੇਗੀ।ਹਸਪਤਾਲਾਂ ਅਤੇ ਡਾਕਟਰਾਂ ਦੇ ਦਫ਼ਤਰਾਂ ਵਿੱਚ MAID ਸਬੰਧੀ ਪੋਸਟਰ ਜਾਂ ਜਾਣਕਾਰੀ ਪ੍ਰਦਰਸ਼ਿਤ ਕਰਨ 'ਤੇ ਰੋਕ ਲਗਾਈ ਜਾਵੇਗੀ।

ਕੈਲਗਰੀ ਯੂਨੀਵਰਸਿਟੀ ਦੇ ਮਾਹਿਰਾਂ ਅਨੁਸਾਰ,ਐਲਬਰਟਾ ਦਾ ਇਹ ਬਿੱਲ ਸੰਵਿਧਾਨਕ ਚੁਣੌਤੀਆਂ ਦਾ ਸਾਹਮਣਾ ਕਰ ਸਕਦਾ ਹੈ ਪਰ ਐਲਬਰਟਾ ਦੇ ਨਿਆਂ ਮੰਤਰੀ ਮਿਕੀ ਐਮਰੀ ਦਾ ਕਹਿਣਾ ਹੈ ਕਿ ਉਹ ਅਦਾਲਤ ਵਿੱਚ ਇਸ ਬਿੱਲ ਦਾ ਬਚਾਅ ਕਰਨ ਲਈ ਤਿਆਰ ਹਨ।ਜੇਕਰ ਕੋਈ ਡਾਕਟਰ ਜਾਂ ਨਰਸ ਉਲੰਘਣਾ ਕਰੇਗਾ ,ਤਾਂ ਉਨ੍ਹਾਂ ਦਾ ਲਾਇਸੈਂਸ ਰੱਦ ਹੋ ਸਕਦਾ ਹੈ। ਦੱਸ ਦੇਈਏ ਕਿ ਪਿਛਲੇ ਸਾਲ ਐਲਬਰਟਾ ਵਿੱਚ 1,242 ਲੋਕਾਂ ਨੇ MAID ਰਾਹੀਂ ਆਪਣੀ ਜਾਨ ਦਿੱਤੀ ਸੀ।