14.28C Vancouver 14.28C VancouverApr 7, 2021 9:29 PM -
ਐਲਬਰਟਾ ਹੈਲਥ ਸਰਵਿਸਿਜ਼ ਦਾ ਕਹਿਣਾ ਹੈ ਕਿ ਐਡਮਿੰਟਨ ਦੇ ਪੱਛਮ 'ਚ ਸਥਿਤ ਗ੍ਰੇਸਲਾਈਫ ਚਰਚ (GraceLife church) ਦੇ ਆਲੇ ਦੁਆਲੇ ਲੋਹੇ ਦੀਆਂ ਤਾਰਾਂ ਲਗਾ ਦਿੱਤੀਆਂ ਗਈਆਂ ਹਨ, ਅਤੇ ਇਸ ਨੂੰ ਉਸ ਵੇਲੇ ਤਕ ਬੰਦ ਰੱਖਿਆ ਜਾਵੇਗਾ ਜਦ ਤਕ ਕਿ ਚਰਚ ਵੱਲੋਂ ਕੋਵਿਡ-19 ਦੇ ਨਿਯਮਾਂ ਦੀ ਪਾਲਣਾ ਕਰਨੀ ਸ਼ੁਰੂ ਨਹੀਂ ਕੀਤੀ ਜਾਂਦੀ।
ਚਰਚ ਵੱਲੋਂ ਕਈ ਮਹੀਨਿਆਂ ਤੋਂ ਪਬਲਿਕ ਹੈਲਥ ਚੇਤਾਵਨੀਆਂ ਨੂੰ ਨਜਰਅੰਦਾਜ ਕੀਤਾ ਗਿਆ ਸੀ।
ਇਸ ਦੇ ਪੈਸਟਰ ਨੇ ਇੱਕ ਮਹੀਨੇ ਦੀ ਜੇਲ੍ਹ ਵੀ ਕੱਟੀ ਸੀ।
ਯਾਦ ਰਹੇ ਐਲਬਰਟਾ 'ਚ ਚਰਚਾਂ ਨੂੰ 15% ਕਪੈਸਟੀ 'ਤੇ ਖੁੱਲ੍ਹਣ ਦੀ ਇਜਾਜਤ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਗ੍ਰੇਸਲਾਈਫ ਚਰਚ (GraceLife church) ਵਿੱਚ ਸੇਵਾਵਾਂ ਦੌਰਾਨ ਸੈਂਕੜੇ ਲੋਕ ਹਾਜਿਰ ਹੁੰਦੇ ਰਹੇ ਹਨ।
ਡਾਕਟਰਾਂ ਨੇ ਕਿਹਾ ਸਰਕਾਰ ਦੀਆਂ ਲਗਾਈਆਂ ਪਬੰਦੀਆਂ ਵਾਇਰਸ 'ਤੇ ਕਾਬੂ ਪਾਉਣ ਲਈ ਕਾਫ਼ੀ ਨਹੀਂ
ਕੈਲਗਰੀ ਅਤੇ ਐਡਮਿੰਟਨ ਤੋਂ ਕਈ ਡਾਕਟਰਾਂ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਨਵੇਂ ਵੇਰੀਐਂਟਸ ਹਰ ਹਫ਼ਤੇ ਦੁੱਗਣੇ ਹੁੰਦੇ ਜਾ ਰਹੇ ਹਨ।
ਇਹਨਾਂ ਦਾ ਕਹਿਣਾ ਹੈ ਕਿ ਐਲਬਰਟਾ ਸਰਕਾਰ ਵੱਲੋਂ ਲਗਾਈਆਂ ਗਈਆਂ ਲੋਕ ਸਿਹਤ ਪਬੰਦੀਆਂ ਉਸ ਪ੍ਰਕਾਰ ਦੀਆਂ ਨਹੀਂ ਹਨ ਕਿ ਵਾਇਰਸ ਦੇ ਫੈਲਾਅ 'ਤੇ ਕਾਬੂ ਪਾਇਆ ਜਾ ਸਕੇ।
ਐਡਮਿੰਟਨ ਜ਼ੋਨ ਮੈਡਿਕਲ ਸਟਾਫ਼ ਐਸੋਸੀਏਸ਼ਨ (Edmonton Zone Medical Staff Association) ਦੀ ਕੋਵਿਡ-19 ਕਮੇਟੀ ਦੇ ਕੋ-ਚੇਅਰ, ਡਾ. ਜੇਮਸ ਟੈਲਬੌਟ (Dr. James Talbot) ਦਾ ਕਹਿਣਾ ਹੈ ਕਿ ਇੰਡੋਰ ਡਾਈਨਿੰਗ ਅਤੇ ਰਿਟੇਲ ਕਸਟਮਰ ਲਿਮਿਟਸ ਦੇ ਨਾਲ ਹਸਪਤਾਲਾਂ ਅਤੇ ਆਈ.ਸੀ.ਯੂ. 'ਤੇ ਦਬਾਅ ਘਟਣ ਵਾਲਾ ਨਹੀਂ ਹੈ।
