16.24C Vancouver 16.24C VancouverMar 2, 2026 6:35 PM - Connect Newsroom - Jasmine Singh with files from The Canadian Press
ਐਲਬਰਟਾ ਸਰਕਾਰ ਨੇ ਪਿਛਲੇ ਸਾਲ ਸਾਈਬਰ ਹਮਲਿਆਂ ਵਿੱਚ ਹੋਏ ਭਾਰੀ ਵਾਧੇ ਨੂੰ ਦੇਖਦੇ ਹੋਏ ਆਪਣੇ ਨਵੇਂ ਬਜਟ ਵਿੱਚ $40 ਮਿਲੀਅਨ ਦੀ ਰਾਸ਼ੀ ਸਾਈਬਰ ਸੁਰੱਖਿਆ ਲਈ ਰੱਖੀ ਹੈ। ਇਸ ਪ੍ਰੋਜੈਕਟ ਤਹਿਤ ਸਰਕਾਰ ਦੀਆਂ 66 ਅਹਿਮ ਐਪਲੀਕੇਸ਼ਨਾਂ ਨੂੰ ਅਪਡੇਟ ਜਾਂ ਪੈਚ ਕੀਤਾ ਜਾਵੇਗਾ ਤਾਂ ਜੋ ਡਾਟਾ ਚੋਰੀ ਅਤੇ ਹੋਰ ਖ਼ਤਰਿਆਂ ਨੂੰ ਰੋਕਿਆ ਜਾ ਸਕੇ।
ਸੂਬੇ ਵਿਚ ਪਿਛਲੇ ਸਾਲ ਲਗਭਗ 3,000 ਸਾਈਬਰ ਸੁਰੱਖਿਆ ਘਟਨਾਵਾਂ ਦਰਜ ਕੀਤੀਆਂ ਗਈਆਂ, ਜੋ ਕਿ 2024 ਦੇ ਮੁਕਾਬਲੇ 35 ਫੀਸਦੀ ਵੱਧ ਹਨ।ਸਰਕਾਰ ਨੇ ਪਿਛਲੇ ਇਕ ਸਾਲ ਵਿਚ ਲਗਭਗ 20,000 ਮਾਲਵੇਅਰ ਹਮਲੇ ਦਾ ਸਾਹਮਣਾ ਕੀਤਾ ਹੈ।
ਸੁਰੱਖਿਆ ਕਾਰਨਾਂ ਕਰਕੇ ਸਰਕਾਰ ਨੇ ਉਨ੍ਹਾਂ ਸਾਫਟਵੇਅਰ ਦੇ ਨਾਂ ਸਾਂਝੇ ਨਹੀਂ ਕੀਤੇ, ਜਿਨ੍ਹਾਂ ਨੂੰ ਅਪਡੇਟ ਕੀਤਾ ਜਾ ਰਿਹਾ ਹੈ, ਕਿਉਂਕਿ ਅਜਿਹਾ ਕਰਨ ਨਾਲ ਹੈਕਰਾਂ ਨੂੰ ਨਵੀਆਂ ਕਮੀਆਂ ਬਾਰੇ ਪਤਾ ਲੱਗ ਸਕਦਾ ਹੈ। ਪੈਚ ਕੀਤੇ ਜਾਣ ਵਾਲੇ ਕੁਝ ਸੌਫਟਵੇਅਰ ਸਿੱਧੇ ਤੌਰ 'ਤੇ ਜਨਤਾ ਨਾਲ ਸਬੰਧਤ ਹਨ, ਜਿਨ੍ਹਾਂ 'ਤੇ ਕਿਸੇ ਵੀ ਸ਼ੱਕੀ ਗਤੀਵਿਧੀ ਲਈ ਤਿੱਖੀ ਨਜ਼ਰ ਰੱਖੀ ਜਾ ਰਹੀ ਹੈ।
