ਐਲਬਰਟਾ ਚੋਣ ਏਜੰਸੀ ਨੇ ਵੱਖਵਾਦ ਸਬੰਧੀ ਜਨਮਤ ਸੰਗ੍ਰਹਿ ਪ੍ਰਸ਼ਨ ਨੂੰ ਦਿੱਤੀ ਮਨਜ਼ੂਰੀ

ਐਲਬਰਟਾ ਦੀ ਇਲੈਕਸ਼ਨ ਏਜੰਸੀ ਨੇ ਸੂਬੇ ਦੇ ਕੈਨੇਡਾ ਤੋਂ ਵੱਖ ਹੋਣ ਦੇ ਸਬੰਧ 'ਚ ਪ੍ਰਸਤਾਵਿਤ ਰਿਫਰੈਂਡਮ ਸਵਾਲ ਨੂੰ ਮਨਜੂਰੀ ਦੇ ਦਿੱਤੀ ਹੈ। ਪ੍ਰਸ਼ਨ ਇਹ ਹੈ ਕਿ ਕੀ ਤੁਸੀਂ ਇਸ ਗੱਲ ਨਾਲ ਸਹਿਮਤ ਹੋ ਕਿ ਐਲਬਰਟਾ ਕੈਨੇਡਾ ਦਾ ਹਿੱਸਾ ਨਾ ਰਹਿ ਕੇ ਇਕ ਇਨਡੀਪੈਂਡੇਟ ਸਟੇਟ ਬਣ ਜਾਵੇ? ਇਲੈਕਸ਼ਨ ਐਲਬਰਟਾ ਦਾ ਕਹਿਣਾ ਹੈ ਕਿ ਪ੍ਰਸਤਾਵਿਤ ਐਲਬਰਟਾ ਪ੍ਰੋਸਪੈਰਟੀ ਪ੍ਰੋਜੈਕਟ ਕੋਲ ਪਟੀਸ਼ਨ ਲਈ ਵਿੱਤੀ ਅਧਿਕਾਰੀ ਨਿਯੁਕਤ ਕਰਨ ਲਈ ਜਨਵਰੀ ਦੀ ਸ਼ੁਰੂਆਤ ਤੱਕ ਦਾ ਸਮਾਂ ਹੈ,ਜਿਸ ਤੋਂ ਬਾਅਦ ਸਿਗਨੇਚਰ ਕੁਲੈਕਸ਼ਨ ਸ਼ੁਰੂ ਹੋ ਸਕਦੀ ਹੈ।

ਜੇਕਰ ਗਰੁੱਪ ਚਾਰ ਮਹੀਨਿਆਂ 'ਚ ਕਰੀਬ 178000 ਦਸਤਖ਼ਤ ਇਕੱਠੇ ਕਰ ਲੈਂਦਾ ਹੈ ਤਾਂ ਇਹ ਪ੍ਰਸ਼ਨ ਐਲਬਰਟਾ ਦੇ ਨਿਵਾਸੀਆਂ ਲਈ ਰਿਫਰੈਂਡਮ ਵਜੋਂ ਰੱਖਿਆ ਜਾਵੇਗਾ। ਸੂਬਾ ਸਰਕਾਰ ਨੇ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਆਪਣੇ ਰਿਫਰੈਂਡਮ ਰੂਲਜ਼ 'ਚ ਬਦਲਾਅ ਕੀਤਾ ਸੀ।