Alberta eyes 120 km/h speed limit on divided highways as part of review

ਐਲਬਰਟਾ ਸਰਕਾਰ ਡਿਵਾਈਡਡ ਹਾਈਵੇਅ 'ਤੇ ਸਪੀਡ ਲਿਮਿਟ ਨੂੰ 120 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਵਧਾਉਣ 'ਤੇ ਕਰ ਰਹੀ ਵਿਚਾਰ

Share On

alberta-eyes-120-km-h-speed-limit-on-divided-highways-as-part-of-review

Vehicles travel along Highway 2 between Calgary and Edmonton, one of the divided routes under review for a higher speed limit.(Photo: Facebook/Danielle Smith)

ਐਲਬਰਟਾ ਸਰਕਾਰ ਆਪਣੇ ਡਿਵਾਈਡਡ ਹਾਈਵੇਅ 'ਤੇ ਸਪੀਡ ਲਿਮਿਟ ਨੂੰ 120 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਵਧਾਉਣ 'ਤੇ ਵਿਚਾਰ ਕਰ ਰਹੀ ਹੈ ਕਿਉਂਕਿ ਕਈ ਡਿਵਾਈਡਡ ਹਾਈਵੇਅ 'ਤੇ ਡਰਾਈਵਰ ਇਸ ਵੇਲੇ 110 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲਣ ਲਈ ਸੀਮਤ ਹਨ।

ਪ੍ਰੀਮੀਅਰ ਡੈਨੀਅਲ ਸਮਿਥ ਦਾ ਕਹਿਣਾ ਹੈ ਕਿ ਕੈਲਗਰੀ ਤੇ ਐਡਮਿੰਟਨ ਨੂੰ ਜੋੜਨ ਵਾਲਾ ਕੋਰੀਡੋਰ ਸਭ ਤੋਂ ਵੱਧ ਚੱਲਦਾ ਹੈ ਅਤੇ ਇਸ ਨੂੰ ਤੇਜ਼ ਸਪੀਡ ਲਈ ਤਿਆਰ ਕਰਵਾਇਆ ਗਿਆ ਸੀ। ਸਪੀਡ ਲਿਮਿਟ ਨੂੰ ਲੈ ਕੇ ਇਸ ਮਹੀਨੇ ਤੋਂ ਇਕ ਸਰਕਾਰੀ ਸਰਵੇ ਹੋ ਰਿਹਾ ਹੈ, ਜੋ ਅਗਲੇ ਮਹੀਨੇ ਬੰਦ ਹੋ ਜਾਵੇਗਾ।

ਸਰਕਾਰ ਵਲੋਂ ਇਸ ਸਰਵੇ ਦੇ ਨਤੀਜਿਆਂ 'ਤੇ ਵਿਚਾਰ ਕੀਤਾ ਜਾਵੇਗਾ, ਜਿਸ ਦੇ ਨਤੀਜੇ ਮੁਤਾਬਕ ਨਿਯਮਾਂ ਵਿਚ ਬਦਲਾਅ ਹੋਣ ਦੀ ਸੰਭਾਵਨਾ ਹੈ। ਟਰਾਂਸਪੋਰਟੇਸ਼ਨ ਅਤੇ ਇਕਨੋਮਿਕ ਕੋਰੀਡੋਰ ਮੰਤਰੀ ਡੇਵਿਨ ਡ੍ਰੀਸ਼ਨ ਨੇ ਵੀ ਕਿਹਾ ਕਿ ਹਾਈਵੇਅ ਤੇਜ਼ ਸਪੀਡ ਮੁਤਾਬਕ ਤਿਆਰ ਕੀਤੇ ਗਏ ਹਨ ਤੇ ਸਪੀਡ ਵਧਾਉਣੀ ਚਾਹੀਦੀ ਹੈ।

ਸਮਿਥ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਸਪੀਡ ਵਧਾਉਣ ਦੇ ਨਾਲ-ਨਾਲ ਇਹ ਵੀ ਖਿਆਲ ਰੱਖੇਗੀ ਕਿ ਇਸ ਕਾਰਨ ਸੜਕ ਹਾਦਸਿਆਂ ਵਿਚ ਵਾਧਾ ਨਾ ਹੋ ਜਾਵੇ।

ਐਲਬਰਟਾ ਸਰਕਾਰ ਵੱਲੋਂ ਸੂਬੇ ਵਿੱਚ ਸਾਲ ਵਿੱਚ ਦੋ ਵਾਰ ਘੜੀਆਂ ਬਦਲਣ ਦੀ ਦਹਾਕਿਆਂ ਪੁਰਾਣੀ ਪ੍ਰਕਿਰਿਆ ਨੂੰ ਖ਼ਤਮ ਕਰਨ ਲਈ ਵਿਧਾਨ ਸਭਾ ਵਿੱਚ ਬਿੱਲ ਪੇਸ਼ ਕੀਤਾ ਗਿਆ ਹੈ। ਸਰਵਿਸ ਐਲਬਰਟਾ ਦੇ ਮੰਤਰੀ ਡੇਲ ਨੈਲੀ ਵੱਲੋਂ ਪੇਸ਼ ਕੀਤੇ ਗਏ ਇਸ ਬਿੱਲ ਮੁਤਾਬਕ ਅਲਬਰਟਾ ਸਾਰਾ ਸਾਲ ਪੱਕੇ ਤੌਰ 'ਤੇ ਡੇਲਾਈਟ ਸੇਵਿੰਗ ਟਾਈਮ 'ਤੇ ਰਹੇਗਾ। ਇਸ ਫੈਸਲੇ ਪਿੱਛੇ ਮੁੱਖ ਕਾਰਨ ਗੁਆਂਢੀ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਵੱਲੋਂ ਇਹ ਕਦਮ ਚੁੱਕਣਾ ਹੈ,ਜਿਸ ਕਾਰਨ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਅਲਬਰਟਾ ਵਿੱਚ ਵੀ ਇਸ ਤਬਦੀਲੀ ਨੂੰ ਜ਼ਰੂਰੀ ਸਮਝਿਆ।