9.77C Vancouver 9.77C VancouverNov 10, 2025 6:12 PM - Connect Newsroom - Ramandeep Kaur
ਐਲਬਰਟਾ ਸਰਕਾਰ ਆਪਣੇ ਡਿਵਾਈਡਡ ਹਾਈਵੇਅ 'ਤੇ ਸਪੀਡ ਲਿਮਿਟ ਨੂੰ 120 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਵਧਾਉਣ 'ਤੇ ਵਿਚਾਰ ਕਰ ਰਹੀ ਹੈ ਕਿਉਂਕਿ ਕਈ ਡਿਵਾਈਡਡ ਹਾਈਵੇਅ 'ਤੇ ਡਰਾਈਵਰ ਇਸ ਵੇਲੇ 110 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲਣ ਲਈ ਸੀਮਤ ਹਨ।
ਪ੍ਰੀਮੀਅਰ ਡੈਨੀਅਲ ਸਮਿਥ ਦਾ ਕਹਿਣਾ ਹੈ ਕਿ ਕੈਲਗਰੀ ਤੇ ਐਡਮਿੰਟਨ ਨੂੰ ਜੋੜਨ ਵਾਲਾ ਕੋਰੀਡੋਰ ਸਭ ਤੋਂ ਵੱਧ ਚੱਲਦਾ ਹੈ ਅਤੇ ਇਸ ਨੂੰ ਤੇਜ਼ ਸਪੀਡ ਲਈ ਤਿਆਰ ਕਰਵਾਇਆ ਗਿਆ ਸੀ। ਸਪੀਡ ਲਿਮਿਟ ਨੂੰ ਲੈ ਕੇ ਇਸ ਮਹੀਨੇ ਤੋਂ ਇਕ ਸਰਕਾਰੀ ਸਰਵੇ ਹੋ ਰਿਹਾ ਹੈ, ਜੋ ਅਗਲੇ ਮਹੀਨੇ ਬੰਦ ਹੋ ਜਾਵੇਗਾ।
ਸਰਕਾਰ ਵਲੋਂ ਇਸ ਸਰਵੇ ਦੇ ਨਤੀਜਿਆਂ 'ਤੇ ਵਿਚਾਰ ਕੀਤਾ ਜਾਵੇਗਾ, ਜਿਸ ਦੇ ਨਤੀਜੇ ਮੁਤਾਬਕ ਨਿਯਮਾਂ ਵਿਚ ਬਦਲਾਅ ਹੋਣ ਦੀ ਸੰਭਾਵਨਾ ਹੈ। ਟਰਾਂਸਪੋਰਟੇਸ਼ਨ ਅਤੇ ਇਕਨੋਮਿਕ ਕੋਰੀਡੋਰ ਮੰਤਰੀ ਡੇਵਿਨ ਡ੍ਰੀਸ਼ਨ ਨੇ ਵੀ ਕਿਹਾ ਕਿ ਹਾਈਵੇਅ ਤੇਜ਼ ਸਪੀਡ ਮੁਤਾਬਕ ਤਿਆਰ ਕੀਤੇ ਗਏ ਹਨ ਤੇ ਸਪੀਡ ਵਧਾਉਣੀ ਚਾਹੀਦੀ ਹੈ।
ਸਮਿਥ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਸਪੀਡ ਵਧਾਉਣ ਦੇ ਨਾਲ-ਨਾਲ ਇਹ ਵੀ ਖਿਆਲ ਰੱਖੇਗੀ ਕਿ ਇਸ ਕਾਰਨ ਸੜਕ ਹਾਦਸਿਆਂ ਵਿਚ ਵਾਧਾ ਨਾ ਹੋ ਜਾਵੇ।
