ਐਲਬਰਟਾ ਦੇ ਵਿੱਤ ਮੰਤਰੀ $5.8B ਦੇ ਬਜਟ ਘਾਟੇ ਬਾਰੇ ਅੱਜ ਦੇਣਗੇ ਅਪਡੇਸ਼ਨ

ਐਲਬਰਟਾ ਦੇ ਵਿੱਤ ਮੰਤਰੀ ਨੈਟ ਹੌਰਨਰ ਅੱਜ ਪਿਛਲੇ ਸਾਲ ਦੇ ਬਜਟ 'ਤੇ ਅਪਡੇਟ ਦੇਣਗੇ। ਅੱਜ ਪੇਸ਼ ਹੋਣ ਵਾਲੇ ਅੰਕੜੇ ਮਾਰਚ ਮਹੀਨੇ ਸਮਾਪਤ ਹੋ ਚੁੱਕੇ ਵਿੱਤੀ ਸਾਲ ਦੇ ਆਖ਼ਰੀ ਅੰਕੜੇ ਹੋਣਗੇ।

ਇਸ ਤੋਂ ਪਹਿਲਾਂ ਹੌਰਨਰ ਵੱਲੋਂ ਫ਼ਰਵਰੀ ਵਿੱਚ ਪੇਸ਼ ਕੀਤੇ ਗਏ ਬਜਟ ਤੱਕ ਇਸ ਦੇ ਸਰਪਲੱਸ ਰਹਿਣ ਦੀ ਗੱਲ ਕਹੀ ਜਾ ਰਹੀ ਸੀ, ਪਰ ਹੁਣ ਇਹ ਵੀ ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ ਕਿ ਐਲਬਰਟਾ ਮਾਰਚ 2026 ਦੇ ਅੰਤ ਤੱਕ 5.2 ਬਿਲੀਅਨ ਡਾਲਰ ਦੇ ਘਾਟੇ ਵਿੱਚ ਜਾ ਸਕਦਾ ਹੈ।

ਜ਼ਿਕਰਯੋਗ ਹੈ ਕਿ ਅਮਰੀਕਾ ਦੁਆਰਾ ਲਗਾਏ ਗਏ ਟੈਰਿਫ,ਤੇਲ ਦੀਆਂ ਕੀਮਤਾਂ ਵਿੱਚ ਆਈ ਗਿਰਾਵਟ ਅਤੇ ਟੈਕਸ ਕਟੌਤੀਆਂ ਕਾਰਨ ਇਹ ਘਾਟਾ ਆਉਣ ਵਾਲੇ ਕਈ ਸਾਲਾਂ ਤੱਕ ਜਾਰੀ ਰਹਿ ਸਕਦਾ ਹੈ।