ਐਲਬਰਟਾ ਹੈਲਥ ਸਰਵਿਸਸ ਦੀ ਮੁਖੀ ਨੂੰ ਅਹੁਦੇ ਤੋਂ ਹਟਾਉਣ ਦੇ ਮਾਮਲੇ ਚ ਸਿਹਤ ਮੰਤਰੀ ਨੇ ਚੁੱਕਿਆ ਅਹਿਮ ਕਦਮ

ਐਲਬਰਟਾ ਦੀ ਸਿਹਤ ਮੰਤਰੀ ਨੇ ਬਿਆਨ ਦਾਇਰ ਕਰਦਿਆਂ ਕਿਹਾ ਕਿ ਹੈਲਥ ਸਰਵਿਸਸ ਦੀ ਸਾਬਕਾ ਸੀਈਓ ਅਯੋਗ ਸੀ।

ਮੰਤਰੀ ਐਡਰੀਆਨਾ ਲਾਗ੍ਰੇਂਜ ਨੇ ਆਪਣੀ ਸਟੇਟਮੈਂਟ ਵਿਚ ਕਿਹਾ ਕਿ ਅਥਾਨਾ ਮੈਂਟਜ਼ੇਲੋਪੋਲੋਸ ਨੂੰ ਐਲਬਰਟਾ ਸਿਹਤ ਸੇਵਾਵਾਂ ਦੀ ਹੈੱਡ ਦੇ ਅਹੁਦੇ ਤੋਂ ਅਪਰਾਧਿਕ ਜਾਂਚ ਕਾਰਨ ਨਹੀਂ ਹਟਾਇਆ ਗਿਆ ਸਗੋਂ ਇਸ ਲਈ ਹਟਾਇਆ ਗਿਆ ਕਿਉਂਕਿ ਉਹ ਸਹੀ ਤਰ੍ਹਾਂ ਕੰਮ ਨਹੀਂ ਕਰ ਰਹੀ ਸੀ। ਉਹ ਆਪਣੇ ਅਹੁਦੇ ਨੂੰ ਬਣਾਈ ਰੱਖਣ ਲਈ ਜ਼ਰੂਰੀ ਸਿਹਤ ਸੁਧਾਰਾਂ ਨੂੰ ਰੋਕ ਰਹੀ ਸੀ।

ਮੈਂਟਜ਼ੇਲੋਪੋਲੋਸ ਦਾ ਦੋਸ਼ ਹੈ ਕਿ ਉਸ ਨੂੰ ਇਸ ਲਈ ਹਟਾਇਆ ਗਿਆ ਕਿਉਂਕਿ ਉਹ ਸਿਹਤ ਸਮਝੌਤੇ ਦੀ ਗੜਬੜੀ ਦੀ ਜਾਂਚ ਕਰ ਰਹੀ ਸੀ। ਇਸੇ ਲਈ ਉਸ ਨੇ ਸੂਬੇ 'ਤੇ ਮੁਕੱਦਮਾ ਦਾਇਰ ਕੀਤਾ ਹੈ। ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਲਾਗ੍ਰੇਂਜ ਵਾਰ-ਵਾਰ ਕਹਿ ਚੁੱਕੀਆਂ ਹਨ ਕਿ ਉਨ੍ਹਾਂ ਨੇ ਇਸ ਮਾਮਲੇ ਵਿਚ ਕੁਝ ਵੀ ਗਲਤ ਨਹੀਂ ਕੀਤਾ। ਪੁਲਿਸ ਨੇ ਵੀ ਪਿਛਲੇ ਹਫਤੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਸਬੰਧੀ ਹੋਰ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ। ਐਲਬਰਟਾ ਦੇ ਆਡੀਟਰ ਜਨਰਲ ਅਤੇ ਸਮਿਥ ਸਰਕਾਰ ਨੇ ਵੀ ਥਰਡ ਪਾਰਟੀ ਜਾਂਚ ਸ਼ੁਰੂ ਕਰਵਾਈ ਹੈ।