ਐਲਬਰਟਾ ਸਰਕਾਰ ਅਧਿਆਪਕਾਂ ਦੀ ਹੜਤਾਲ ਖਤਮ ਕਰਨ ਲਈ ਸੋਮਵਾਰ ਨੂੰ ਕਾਨੂੰਨ ਲਿਆਉਣ ਦੀ ਤਿਆਰੀ ਵਿੱਚ

ਐਲਬਰਟਾ ਸਰਕਾਰ ਟੀਚਰਜ਼ ਦੀ ਹੜਤਾਲ ਖ਼ਤਮ ਕਰਨ ਲਈਬੈਕ-ਟੂ-ਵਰਕ ਕਾਨੂੰਨ ਦਾ ਇਸਤੇਮਾਲ ਕਰਨ ਜਾ ਰਹੀ ਹੈ। ਸਰਕਾਰ ਨੇ ਇਕ ਰਸਮੀ ਨੋਟਿਸ ਜਾਰੀ ਕਰਦਿਆਂ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਅੱਜ ਸਵੇਰੇ ਐਲਬਰਟਾ ਵਿਧਾਨ ਸਭਾ ਦੀ ਵੈਬਸਾਈਟ 'ਤੇ ਬਿਲ 2 ਵਜੋਂ ਜਾਣੇ ਜਾਂਦੇ ਬੈਕ-ਟੂ-ਸਕੂਲ ਐਕਟ ਨੂੰ ਆਰਡਰ ਪੇਪਰ ਰਾਹੀਂ ਪਬਲਿਸ਼ ਕਰਕੇ ਇਹ ਘੋਸ਼ਣਾ ਕੀਤੀ ਗਈ।

ਸਰਕਾਰ ਇਸ ਤੋਂ ਪਹਿਲਾਂ ਹੀ ਕਹਿ ਚੁੱਕੀ ਹੈ ਕਿ ਉਹ ਕਾਨੂੰਨ ਦੀ ਵਰਤੋਂ ਕਰਕੇ ਸੋਮਵਾਰ ਟੀਚਰਜ਼ ਨੂੰ ਕੰਮ 'ਤੇ ਭੇਜੇਗੀ। ਐਲ਼ਬਰਟਾ ਟੀਚਰਜ਼ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਉਹ ਜਾਣਦੇ ਹਨ ਕਿ ਸਰਕਾਰ ਅਜਿਹਾ ਹੀ ਕਰੇਗੀ ਪਰ ਇਹ ਦੇਖਣਾ ਬਾਕੀ ਹੈ ਕਿ ਇਸ ਕਾਨੂੰਨ ਵਿਚ ਅਧਿਆਪਕਾਂ ਲਈ ਵਿਚਾਰ ਕੀਤਾ ਜਾਂਦਾ ਹੈ ਜਾਂ ਨਹੀਂ।

ਦੱਸ ਦੇਈਏ ਕਿ 6 ਅਕਤੂਬਰ ਤੋਂ ਸੂਬੇ ਦੇ ਕਰੀਬ 51 ਹਜ਼ਾਰ ਅਧਿਆਪਕ ਹੜਤਾਲ ਕਰ ਰਹੇ ਹਨ ਜਿਸ ਕਾਰਨ ਕਰੀਬ 750,000 ਵਿਦਿਆਰਥੀ ਸਕੂਲਾਂ ਤੋਂ ਬਾਹਰ ਹਨ। ਐਲਬਰਟਾ ਦੀ ਵਿਰੋਧੀ ਧਿਰ ਐਨ.ਡੀ.ਪੀ. ਦੇ ਲੀਡਰ ਨਾਹੀਦ ਨੈਨਸ਼ੀ ਨੇ ਇਸ ਬਿੱਲ ਦਾ ਵਿਰੋਧ ਕਰਦਿਆਂ ਕਿਹਾ ਕਿ ਇਹ ਟੀਚਰਜ਼, ਪਬਲਿਕ ਐਜੂਕੇਸ਼ਨ ਅਤੇ ਉਨ੍ਹਾਂ ਦੀਆਂ ਸਾਰੀਆਂ ਯੂਨੀਅਨਜ਼ 'ਤੇ ਹਮਲਾ ਹੈ, ਜਿਸ ਦੀ ਉਹ ਨਿੰਦਾ ਕਰਦੇ ਹਨ।