12.25C Vancouver 12.25C VancouverApr 16, 2020 11:28 PM -
ਐਲਬਰਟਾ ਵਿੱਚ ਕੋਵਿਡ-19 ਦੇ 162 ਹੋਰ ਮਾਮਲੇ ਉਜਾਗਰ ਹੋਣ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 2,158 ਤਕ ਪਹੁੰਚ ਗਈ ਹੈ।
ਸੂਬੇ ਦੀ ਚੀਫ ਮੈਡੀਕਲ ਅਫਸਰ, ਡਾ. ਡੀਨਾ ਹਿੰਸ਼ਾ ਨੇ ਇਹ ਜਾਣਕਾਰੀਆਂ ਮੀਡੀਆ ਸਾਹਮਣੇ ਰੱਖੀਆਂ।
ਉਨ੍ਹਾਂ ਦੱਸਿਆ ਕਿ ਸੂਬੇ ਦੇ 2 ਹੋਰ ਵਾਇਰਸ ਪੀੜਤਾਂ ਨੇ ਦਮ ਤੋੜ ਦਿੱਤਾ ਹੈ, ਜਿਸਦੇ ਨਾਲ ਸੂਬੇ 'ਚ ਦਮ ਤੋੜਨ ਵਾਲੇ ਵਾਇਰਸ ਪੀੜਤਾਂ ਦੀ ਗਿਣਤੀ 50 ਤਕ ਪਹੁੰਚ ਗਈ ਹੈ।
ਦਮ ਤੋੜਨ ਵਾਲਿਆਂ ਦੇ ਵਿਚ 32 ਮਾਮਲੇ ਕੇਅਰ ਸੈਂਟਰਾਂ ਦੇ ਰੈਜ਼ੀਡੈਂਟਸ ਦੇ ਦੱਸੇ ਗਏ ਹਨ।
ਸੂਬੇ ਦੀਆਂ 22 ਫੈਸਿਲਿਟੀਆਂ 'ਚ ਆਊਟਬ੍ਰੇਕ ਦਰਜ ਕੀਤਾ ਗਿਆ ਹੈ।
ਡਾ. ਡੀਨਾ ਹਿੰਸ਼ਾ ਨੇ ਜਾਣਕਾਰੀ ਸਾਂਝੀ ਕੀਤੀ ਕਿ ਸੂਬੇ ਦੇ ਡਾਟਾ ਕਲੈਕਸ਼ਨ ਸੈਂਟਰ 'ਚ ਇੱਕ ਛੋਟੀ ਅੱਗ ਲੱਗਣ ਦੀ ਘਟਨਾ ਵਾਪਰੀ ਸੀ, ਜਿਸਦੇ ਕਾਰਨ ਇਨ੍ਹਾਂ ਆਊਟਬ੍ਰੇਕਸ ਸੰਬੰਧੀ ਬ੍ਰੇਕਡਾਊਨ ਦੇ ਵੇਰਵੇ ਹਾਸਿਲ ਕਰਨ 'ਚ ਥੋੜੇ ਅੜਿੱਕੇ ਪੇਸ਼ ਆਏ ਹਨ।
