23.49C Vancouver 23.49C VancouverJul 9, 2025 6:46 PM - The Canadian Press
ਐਲਬਰਟਾ ਵਿੱਚ ਖਸਰੇ ਦੇ ਮਾਮਲੇ ਪ੍ਰਤੀ ਵਿਅਕਤੀ ਦੇ ਆਧਾਰ ‘ਤੇ ਉੱਤਰੀ ਅਮਰੀਕਾ ਤੋਂ ਵੀ ਵੱਧ ਦਰਜ ਕੀਤੇ ਗਏ ਹਨ। ਮਾਹਰਾਂ ਨੇ ਚਿੰਤਾ ਜ਼ਾਹਰ ਕਰਦੇ ਹੋਏ ਕਿਹਾ ਹੈ ਕਿ ਗਰਮੀਆਂ ਵਿੱਚ ਕੀਤੀਆਂ ਜਾਣ ਵਾਲੀਆਂ ਯਾਤਰਾਵਾਂ ਇਸ ਗਿਣਤੀ ਨੂੰ ਹੋਰ ਵਧਾ ਸਕਦੀਆਂ ਹਨ। ਸੂਬੇ ਦੇ ਮੁੱਖ ਮੈਡੀਕਲ ਅਫਸਰ ਆਫ਼ ਹੈਲਥ ਡਾ. ਮਾਰਕ ਜੋਫ ਦਾ ਕਹਿਣਾ ਹੈ ਕਿ ਸੂਬੇ ਵਿੱਚ ਖਸਰੇ ਦੇ ਮਾਮਲਿਆਂ ਦੀ ਦਰ ਓਨਟਾਰੀਓ ਨਾਲੋਂ ਦੁੱਗਣੀ ਹੈ।
ਐਲਬਰਟਾ ਵੱਲੋਂ ਕੱਲ੍ਹ ਦਿੱਤੀ ਗਈ ਰਿਪੋਰਟ ਅਨੁਸਾਰ ਮਾਰਚ ਤੋਂ ਹੁਣ ਤੱਕ 1230 ਲੋਕ ਇਸ ਬਿਮਾਰੀ ਨਾਲ ਵਧੇਰੇ ਪ੍ਰਭਾਵਿਤ ਹਨ। ਜ਼ਿਕਰਯੋਗ ਹੈ ਕਿ ਕੈਲਗਰੀ ਸਟੈਂਪੀਡ, ਗਰਮੀਆਂ ਦੇ ਕੈਂਪਾਂ, ਪਰਿਵਾਰਕ ਇਕੱਠਾਂ ਅਤੇ ਇੱਕ ਸੂਬੇ ਤੋਂ ਦੂਜੇ ਸੂਬੇ ਵਿੱਚ ਕੀਤੇ ਜਾਣ ਵਾਲੇ ਸਫ਼ਰਾਂ ਕਾਰਨ ਇਸ ਗਿਣਤੀ ਵਿੱਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ।
ਐਲਬਰਟਾ ਦੇ ਸਿਹਤ ਵਿਭਾਗ ਦੇ ਇੱਕ ਹੋਰ ਸਾਬਕਾ ਮੈਡੀਕਲ ਅਫਸਰ ਡਾ. ਜੇਮਜ਼ ਟੈਲਬੋਟ ਮੁਤਾਬਕ ਸੂਬੇ ਵਿੱਚ ਪ੍ਰਤੀ ਵਿਅਕਤੀ ਦੇ ਆਧਾਰ ‘ਤੇ ਗਿਣਤੀ ਭਾਰਤ ਨਾਲੋਂ ਵੀ ਅੱਗੇ ਨਿਕਲ ਗਈ ਹੈ। ਜ਼ਿਕਰਯੋਗ ਹੈ ਕਿ ਭਾਰਤ ਵਿੱਚ 1.4 ਮਿਲੀਅਨ ਆਬਾਦੀ ਪਿੱਛੇ 10,000 ਖਸਰੇ ਦੇ ਮਾਮਲੇ ਹਨ।
