ਐਲਬਰਟਾ ਸਰਕਾਰ ਨੇ ਹੈਲਥਕੇਅਰ ਘੋਟਾਲੇ ਦੀ ਜਾਂਚ ਲਈ ਮੈਨੀਟੋਬਾ ਦੇ ਸਾਬਕਾ ਜੱਜ ਨੂੰ ਕੀਤਾ ਨਿਯੁਕਤ

ਐਲਬਰਟਾ ਸਰਕਾਰ ਨੇ ਹੈਲਥਕੇਅਰ ਘੋਟਾਲੇ ਨੂੰ ਲੈ ਕੇ ਥਰਡ ਪਾਰਟੀ ਰੀਵਿਊ ਲਈ ਮੈਨੀਟੋਬਾ ਦੇ ਸਾਬਕਾ ਜੱਜ ਨੂੰ ਚੁਣਿਆ ਹੈ। ਮੈਨੀਟੋਬਾ ਦੀ ਸੂਬਾਈ ਅਦਾਲਤ ਦੇ ਸਾਬਕਾ ਚੀਫ ਜੱਜ ਮਾਣਯੋਗ ਰੇਮੰਡ ਈ ਵਾਯੰਟ ਐਲਬਰਟਾ ਹੈਲਥ ਸਰਵਿਸਸ ਦੀ ਸੀਈਓ ਵਲੋਂ ਦਾਇਰ ਮੁਕੱਦਮੇ ਦੀ ਜਾਂਚ ਕਰਨਗੇ।

ਵਾਯੰਟ ਨੂੰ 1998 ਵਿਚ ਮੈਨੀਟੋਬਾ ਬੈਂਚ ਲਈ ਨਿਯੁਕਤ ਕੀਤਾ ਗਿਆ ਸੀ। ਉਨ੍ਹਾਂ ਨੂੰ ਇਸ ਸਮੀਖਿਆ ਲਈ $500,000 ਦਾ ਬਜਟ ਦਿੱਤਾ ਗਿਆ, ਜਿਸ ਵਿਚੋਂ ਹਰ ਮਹੀਨੇ $31,900 ਦਿੱਤੇ ਜਾਣਗੇ। ਐਲਬਰਟਾ ਹੈਲਥ ਸਰਵਿਸ ਦੀ ਸਾਬਕਾ ਸੀਈਓ ਅਥਾਨਾ ਮੈਂਟਜ਼ੇਲੋਪੋਲੋਸ ਨੇ ਦੋਸ਼ ਲਾਇਆ ਕਿ ਹੈਲਥ ਮੰਤਰੀ ਸਣੇ ਕੁਝ ਅਧਿਕਾਰੀਆਂ ਨੇ ਉਸ ਨੂੰ ਜਾਣ-ਬੁੱਝ ਕੇ ਅਹੁਦੇ ਤੋਂ ਹਟਾਇਆ। ਸਮਿਥ ਨੇ ਪਿਛਲੇ ਹਫਤੇ ਕਿਹਾ ਸੀ ਕਿ ਉਹ ਜਾਣਨਾ ਚਾਹੁੰਦੀ ਹੈ ਕਿ ਕੀ ਗਲਤ ਹੋਇਆ ਹੈ।

ਸੂਬੇ ਦੇ ਆਡੀਟਰ ਜਨਰਲ ਡੱਗ ਵਾਈਲੀ ਨੇ ਪਹਿਲਾਂ ਹੀ ਘੋਸ਼ਣਾ ਕੀਤੀ ਸੀ ਕਿ ਉਹ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਵਾਯੰਟ ਇਸ ਦੀ ਅੰਤਰਿਮ ਰਿਪੋਰਟ ਮਈ ਦੇ ਆਖਿਰ ਅਤੇ ਫਾਈਨਲ ਰਿਪੋਰਟ 30 ਜੂਨ ਤੱਕ ਸਾਂਝੀ ਕਰ ਸਕਦੇ ਹਨ।