16.79C Vancouver 16.79C VancouverApr 2, 2026 7:46 PM - Connect Newsroom - Ramandeep Kaur with files from The Canadian Press
ਐਲਬਰਟਾ ਸਰਕਾਰ ਨੇ ਪਬਲਿਕ ਲਾਇਬ੍ਰੇਰੀਆਂ ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਦੀ ਪਹੁੰਚ ਅਜਿਹੀ ਸਮੱਗਰੀ ਤੱਕ ਸੀਮਤ ਕਰਨ ਲਈ ਇੱਕ ਨਵਾਂ ਬਿੱਲ ਪੇਸ਼ ਕੀਤਾ ਹੈ, ਜਿਸ ਵਿੱਚ graphic sexual ਤਸਵੀਰਾਂ ਸ਼ਾਮਲ ਹਨ।
ਨਗਰਪਾਲਿਕਾ ਮਾਮਲੇ ਦੇ ਮੰਤਰੀ ਡਾਨ ਵਿਲੀਅਮਜ਼ ਵਲੋਂ ਪੇਸ਼ ਕੀਤੇ ਗਏ ਇਸ ਬਿੱਲ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਸਰਕਾਰ ਦਾ ਮਕਸਦ ਕਿਤਾਬਾਂ 'ਤੇ ਪਾਬੰਦੀ ਲਗਾਉਣਾ ਨਹੀਂ ਹੈ। ਇਸ ਦੀ ਬਜਾਏ, ਸਰਕਾਰ ਇਹ ਯਕੀਨੀ ਬਣਾਉਣਾ ਚਾਹੁੰਦੀ ਹੈ ਕਿ 15 ਸਾਲ ਜਾਂ ਇਸ ਤੋਂ ਘੱਟ ਉਮਰ ਦੇ ਬੱਚਿਆਂ ਦੀ ਪਹੁੰਚ ਅਜਿਹੀਆਂ ਤਸਵੀਰਾਂ ਤੱਕ ਨਾ ਹੋਵੇ ਜੋ ਬਾਲਗਾਂ ਲਈ ਹਨ।ਸਰਕਾਰ ਅਨੁਸਾਰ ਪਬਲਿਕ ਲਾਇਬ੍ਰੇਰੀਆਂ ਸਾਂਝੀਆਂ ਥਾਵਾਂ ਹਨ, ਜਿੱਥੇ ਬੱਚੇ ਅਤੇ ਬਾਲਗ ਦੋਵੇਂ ਆਉਂਦੇ ਹਨ।
ਇਸ ਲਈ ਨਾਬਾਲਗਾਂ ਦੀ ਸੁਰੱਖਿਆ ਲਈ ਕੁਝ ਸਖ਼ਤ ਕਦਮ ਚੁੱਕਣੇ ਜ਼ਰੂਰੀ ਹਨ।ਬਿੱਲ ਵਿੱਚ ਸੁਝਾਅ ਦਿੱਤਾ ਗਿਆ ਹੈ ਕਿ ਅਜਿਹੀ ਸਮੱਗਰੀ ਨੂੰ ਲਾਇਬ੍ਰੇਰੀ ਸਟਾਫ ਦੀ ਨਿਗਰਾਨੀ ਹੇਠ ਰੱਖਿਆ ਜਾਵੇ ਜਾਂ ਫਿਰ ਲਾਇਬ੍ਰੇਰੀ ਦੇ ਵੱਖਰੇ ਹਿੱਸਿਆਂ ਵਿੱਚ ਰੱਖਿਆ ਜਾਵੇ ਜਿੱਥੇ ਬੱਚੇ ਆਸਾਨੀ ਨਾਲ ਨਾ ਪਹੁੰਚ ਸਕਣ।
ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਸਰਕਾਰ ਨੇ ਪਹਿਲਾਂ ਹੀ ਸਕੂਲ ਲਾਇਬ੍ਰੇਰੀਆਂ ਵਿੱਚੋਂ ਅਜਿਹੀ ਸਮੱਗਰੀ ਹਟਾਉਣ ਦੇ ਨਿਯਮ ਲਾਗੂ ਕੀਤੇ ਹਨ, ਅਤੇ ਹੁਣ ਇਹ ਕਦਮਪਬਲਿਕ ਲਾਇਬ੍ਰੇਰੀਆਂ ਲਈ ਚੁੱਕਿਆ ਜਾ ਰਿਹਾ ਹੈ।
