ਅਲਬਰਟਾ ਸਰਕਾਰ ਕੈਨੇਡਾ ਭਰ ਤੋਂ ਸੱਦੇਗੀ ਹੁਨਰਮੰਦ ਵਰਕਰ

ਅਲਬਰਟਾ ਸਰਕਾਰ ਵੱਲੋਂ ਕੈਨੇਡਾ ਭਰ ਤੋਂ ਹੁਨਰਮੰਦ ਵਰਕਰਾਂ ਨੂੰ ਸੱਦਣ ਲਈ ਬੋਨਸ ਪ੍ਰੋਗਰਾਮ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਸ ਪ੍ਰੋਗਰਾਮ ਦਾ ਨਾਂ ਅਲਬਰਟਾ ਇਜ਼ ਕਾਲਿੰਗ ਅਟ੍ਰੈਕਸ਼ਨ ਬੋਨਸ ਹੈ .

ਜਿਸ ਲਈ ਸੂਬਾ ਸਰਕਾਰ ਇਸ ਸਾਲ ਦੇ ਬਜਟ ਵਿੱਚੋਂ $10 ਮਿਲੀਅਨ ਖਰਚ ਕਰਨ ਦਾ ਵਿਚਾਰ ਕਰ ਰਹੀ ਹੈ। ਇਹ ਬੋਨਸ ਉਨ੍ਹਾਂ ਵਰਕਰਾਂ ਨੂੰ ਦਿੱਤਾ ਜਾਵੇਗਾ ਜੋ ਸੂਬੇ ਵਿੱਚ ਕੰਮ ਕਰਨ ਅਤੇ ਰਹਿਣ ਲਈ ਆਉਣਗੇ ਪਰ ਇਸ ਲਈ ਕੁੱਝ ਸ਼ਰਤਾਂ ਵੀ ਹੋਣਗੀਆਂ।

ਪਿਛਲੇ ਸਾਲ ਚੋਣ ਮੁਹਿੰਮ ਵਿੱਚ ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਨੇ ਵਾਅਦਾ ਕੀਤਾ ਸੀ ਕਿ ਜੋ ਲੋਕ ਸਿਹਤ ਸੰਭਾਲ ਅਤੇ ਵਪਾਰ ਨਾਲ ਸਬੰਧਤ ਜੌਬ ਲਈ ਸੂਬੇ ਵਿੱਚ ਆਉਣਗੇ ਉਨ੍ਹਾਂ ਨੂੰ ਘੱਟੋ-ਘੱਟ $1,200 ਦਾ ਔਫਰ ਮਿਲੇਗਾ। ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਸਰਕਾਰ ਦਾ ਕਹਿਣਾ ਹੈ ਕਿ ਹੁਣ ਉਹ ਇਸ ਦੀ ਥਾਂ $5,000 ਦਾ ਔਫਰ ਦੇਣ ਲਈ ਅਲਬਰਟਾ ਪਰਸਨਲ ਇਨਕਮ ਟੈਕਸ ਐਕਟ ਵਿੱਚ ਸੋਧ ਕਰਨਗੇ।

ਮੰਗਲਵਾਰ ਵਿੱਤ ਮੰਤਰੀ ਨੇਟ ਹਾਰਨਰ ਨੇ ਵਿਧਾਨ ਸਭਾ ਵਿੱਚ ਵਿੱਤੀ ਕਾਨੂੰਨ ਸੋਧ ਐਕਟ ਲਈ ਬਿੱਲ 10 ਪੇਸ਼ ਕੀਤਾ।ਨੌਕਰੀਆਂ, ਆਰਥਿਕਤਾ ਅਤੇ ਵਪਾਰ ਦੇ ਮੰਤਰੀ ਮੈਟ ਜੋਨਸ ਨੇ ਕਿਹਾ ਕਿ $1,200 ਦਾ ਔਫਰ ਨਾਲੋਂ $5,000 ਦਾ ਟੈਕਸ ਫਰੀ ਔਫਰ ਜ਼ਿਆਦਾ ਵਧੀਆ ਹੈ।

ਇਸ ਪ੍ਰੋਗਰਾਮ ਨੂੰ 2022 ਵਿਚ ਸਾਬਕਾ ਪ੍ਰੀਮੀਅਰ ਜੇਸਨ ਕੇਨੀ ਵੱਲੋ ਸ਼ੁਰੂ ਕੀਤਾ ਗਿਆ ਸੀ ਤਾਂ ਕਿ ਟੋਰਾਂਟੋ ਅਤੇ ਵੈਨਕੂਵਰ ਵਿੱਚ ਰਹਿਣ ਵਾਲਿਆਂ ਨੂੰ ਐਲਬਰਟਾ ਸੱਦਿਆ ਜਾਵੇ।