ਐਲਬਰਟਾ ਦੇ ਜੱਜ ਨੇ ਸੂਬਾ ਸਰਕਾਰ ਦੇ ਟ੍ਰਾਂਸਜੈਂਡਰ ਹੈਲਥ-ਕੇਅਰ ਬਿੱਲ 'ਤੇ ਲਗਾਈ ਰੋਕ

ਐਲਬਰਟਾ ਦੇ ਇਕ ਜੱਜ ਨੇ ਸੂਬਾ ਸਰਕਾਰ ਦੇ ਟ੍ਰਾਂਸਜੈਂਡਰ ਹੈਲਥ-ਕੇਅਰ ਬਿੱਲ 'ਤੇ ਰੋਕ ਲਗਾ ਦਿੱਤੀ ਹੈ। ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਇਸ ਖਿਲਾਫ਼ ਕੋਰਟ ਵਿੱਚ ਲੜਾਈ ਲੜਨ ਦਾ ਫੈਸਲਾ ਕੀਤਾ ਹੈ। ਅਸਲ ਵਿਚ ਇਹ ਬਿੱਲ 16 ਸਾਲ ਦੇ ਬੱਚਿਆਂ ਵਿੱਚ ਲਿੰਗ ਪਰਿਵਰਤਨ 'ਤੇ ਰੋਕ ਲਾਉਂਦਾ ਹੈ।

ਸਮਿਥ ਦਾ ਕਹਿਣਾ ਹੈ ਕਿ ਬੱਚੇ ਛੋਟੀ ਉਮਰ ਵਿਚ ਜ਼ਿੰਦਗੀ ਦਾ ਵੱਡਾ ਫੈਸਲਾ ਲੈ ਲੈਂਦੇ ਹਨ ਅਤੇ ਕਈ ਬਾਅਦ ਵਿਚ ਪਛਤਾਉਂਦੇ ਹਨ। ਇਸ ਲਈ ਉਹ ਚਾਹੁੰਦੀ ਹੈ ਕਿ ਬੱਚੇ ਸਮਝਦਾਰ ਹੋਣ ਮਗਰੋਂ ਇਹ ਫੈਸਲਾ ਕਰਨ ਕਿ ਕਿਸ ਲਿੰਗ ਨਾਲ ਆਪਣੀ ਪਛਾਣ ਚਾਹੁੰਦੇ ਹਨ। ਪਿਛਲੇ ਸਾਲ ਪਾਸ ਹੋਇਆ ਇਹ ਬਿੱਲ ਅਜੇ ਪੂਰੀ ਤਰ੍ਹਾਂ ਲਾਗੂ ਨਹੀਂ ਹੋਇਆ ਸੀ।

ਡਾਕਟਰਾਂ ਦਾ ਵੀ ਕਹਿਣਾ ਹੈ ਕਿ ਇਸ ਮਾਮਲੇ ਵਿਚ ਸਰਕਾਰ ਨੂੰ ਦਖਲ ਨਹੀਂ ਦੇਣਾ ਚਾਹੀਦਾ। ਗੌਰਤਲਬ ਹੈ ਕਿ ਪਿਛਲੇ ਮਹੀਨੇ ਕੈਨੇਡੀਅਨ ਮੈਡੀਕਲ ਐਸੋਸੀਏਸ਼ਨ ਅਤੇ ਐਲਬਰਟਾ ਦੇ 3 ਡਾਕਟਰਾਂ ਨੇ ਬਿੱਲ ਦੀ ਸੰਵਿਧਾਨਕਤਾ ਨੂੰ ਚੁਣੌਤੀ ਦਿੰਦੇ ਹੋਏ ਮੁਕੱਦਮਾ ਸ਼ੁਰੂ ਕੀਤਾ ਹੈ।