ਐਲਬਰਟਾ ਦੀ ਲਾਅ ਸੁਸਾਇਟੀ ਨੇ ਸੂਬੇ ਦੇ ਸਾਬਕਾ ਜਸਟਿਸ ਮੰਤਰੀ ਨੂੰ ਅਹੁਦੇ ਦੀ ਦੁਰਵਰਤੋਂ ਲਈ ਲਾਈ ਫਟਕਾਰ

ਐਲਬਰਟਾ ਦੀ ਲਾਅ ਸੁਸਾਇਟੀ ਨੇ ਸੂਬੇ ਦੇ ਸਾਬਕਾ ਜਸਟਿਸ ਮੰਤਰੀ ਕੇਸੀ ਮਾਡੂ ਨੂੰ ਫਟਕਾਰ ਲਾਉਂਦਿਆਂ ਕਰੀਬ $39,000 ਦਾ ਜੁਰਮਾਨਾ ਭਰਨ ਦਾ ਹੁਕਮ ਦਿੱਤਾ ਹੈ। ਮਾਡੂ ਨੂੰ 2021 ਵਿਚ ਆਪਣੇ ਅਹੁਦੇ ਦੀ ਦੁਰਵਰਤੋਂ ਕਰਨ ਲਈ ਪਿਛਲੇ ਸਾਲ ਦੋਸ਼ੀ ਪਾਇਆ ਗਿਆ ਸੀ। ਜਾਣਕਾਰੀ ਮੁਤਾਬਕ ਜਦ ਉਸ ਨੂੰ ਟਰੈਫਿਕ ਟਿਕਟ ਜਾਰੀ ਹੋਈ ਤਾਂ ਉਸ ਨੇ ਐਡਮਿੰਟਨ ਪੁਲਿਸ ਚੀਫ ਨੂੰ ਫੋਨ ਕੀਤਾ ਸੀ।

ਲਾਅ ਸੁਸਾਇਟੀ ਦੇ ਮੈਂਬਰਾਂ ਦੇ ਪੈਨਲ ਮੁਤਾਬਕ ਉਨ੍ਹਾਂ ਨੇ ਗਲਤ ਤਰੀਕੇ ਨਾਲ ਆਪਣੇ ਅਹੁਦੇ ਦਾ ਪ੍ਰਭਾਵ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ। ਪੈਨਲ ਨੇ ਉਸ ਨੂੰ ਸੁਣਵਾਈ ਦੌਰਾਨ ਹੋਏ ਖਰਚੇ ਨੂੰ ਭਰਨ ਦਾ ਹੁਕਮ ਦਿੱਤਾ ਹੈ। ਮਾਡੂ ਨੇ ਅਪੀਲ ਕੀਤੀ ਸੀ ਕਿ ਉਨ੍ਹਾਂ ਨੂੰ ਫਟਕਾਰ ਨਾ ਲਾਈ ਜਾਵੇ ਪਰ ਪੈਨਲ ਨੇ ਇਸ ਅਰਜ਼ੀ ਨੂੰ ਰੱਦ ਕਰ ਦਿੱਤਾ।