19.7C Vancouver 19.7C VancouverOct 30, 2023 5:53 PM - The Canadian Press
ਅਲਬਰਟਾ ਦਾ ਵਿਧਾਨ ਸਭਾ ਸੈਸ਼ਨ ਅੱਜ ਤੋਂ ਸ਼ੁਰੂ ਹੋ ਰਿਹਾ ਹੈ।ਪ੍ਰੀਮੀਅਰ ਡੈਨੀਅਲ ਸਮਿਥ ਸਰਕਾਰ ਵਲੋਂ ਨਵੇਂ ਸੈਸ਼ਨ ਵਿੱਚ ਅਲਬਰਟਾ ਪੈਨਸ਼ਨ ਯੋਜਨਾ ਨੂੰ ਸਥਾਪਤ ਕਰਨ ਅਤੇ ਕੈਨੇਡਾ ਪੈਨਸ਼ਨ ਪਲੈਨ ਵਿੱਚੋਂ ਨਿਕਲਣ ਸਬੰਧੀ ਜਨਮਤ ਬਿੱਲ ਪੇਸ਼ ਕੀਤੇ ਜਾਣ ਦੀ ਵੀ ਤਿਆਰੀ ਹੈ।
ਪ੍ਰੀਮੀਅਰ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ਵਿੱਚ ਦੱਸਿਆ ਸੀ ਕਿ ਅਲਬਰਟਾ ਪੈਨਸ਼ਨ ਯੋਜਨਾ ਲੋਕਾਂ ਦੀ ਰਾਇ ਲੈਣ ਮਗਰੋਂ ਹੀ ਲਾਗੂ ਕੀਤਾ ਜਾਵੇਗਾ।
ਗਵਰਨਮੈਂਟ ਹਾਊਸ ਲੀਡਰ ਜੋਸੇਫ ਸ਼ੋ ਮੁਤਾਬਕ, ਇਸ ਸੀਟਿੰਗ ਵਿੱਚ 7 ਤੋਂ 9 ਬਿੱਲ ਪੇਸ਼ ਕੀਤੇ ਜਾਣਗੇ।
ਸ਼ੋ ਨੇ ਕਿਹਾ ਕਿ ਓਪੀਔਡ ਸੰਕਟ ਨਾਲ ਨਜਿੱਠਣ ਸਬੰਧੀ ਵੀ ਬਿੱਲ ਪਾਸ ਕੀਤਾ ਜਾਵੇਗਾ ਜਿਸ ਤਹਿਤ ਸਰਕਾਰ ਕੋਲ ਡਰੱਗ ਨਿਰਮਾਤਾ ਦੀ ਜਾਂਚ ਲਈ ਸਿੱਧਾ ਕਾਨੂੰਨ ਹੋਵੇਗਾ।
ਹਾਊਸ ਲੀਡ ਨੇ ਕਿਹਾ ਕਿ ਇਸ ਸੀਟਿੰਗ ਵਿੱਚ ਟੈਕਸਪੇਅਰ ਪ੍ਰੋਟੈਕਸ਼ਨ ਬਿੱਲ ਵੀ ਲਿਆਂਦਾ ਜਾ ਰਿਹਾ ਹੈ ਜਿਸ ਤਹਿਤ ਫਿਊਚਰ ਵਿੱਚ ਕਿਸੇ ਵੀ ਕਾਰਪੋਰੇਟ ਜਾਂ ਨਿੱਜੀ ਆਮਦਨ ਟੈਕਸ ਵਿੱਚ ਵਾਧਾ ਲਈ ਸਰਕਾਰ ਨੂੰ ਰੈਫਰੰਡਮ ਵਿੱਚੋਂ ਲੰਘਣਾ ਪਵੇਗਾ।
ਸਮਿਥ ਸਰਕਾਰ ਨੇ ਚੋਣਾਂ ਦੌਰਾਨ ਡਰੱਗ ਦੇ ਆਦੀ ਲੋਕਾਂ ਨੂੰ ਉਨ੍ਹਾਂ ਦੀ ਮਰਜ਼ੀ ਬਿਨਾਂ ਇਲਾਜ਼ ਲਈ ਭੇਜੇ ਜਾਣ ਦਾ ਕਾਨੂੰਨ ਵੀ ਪੇਸ਼ ਕਰਨ ਦਾ ਵਾਅਦਾ ਕੀਤਾ ਸੀ ਪਰ ਇਸ ਸੀਟਿੰਗ ਵਿੱਚ ਇਸ ਨੂੰ ਪੇਸ਼ ਨਹੀਂ ਕੀਤਾ ਜਾ ਰਿਹਾ ਹੈ, ਹਾਲਾਂਕਿ ਹਾਊਸ ਲੀਡਰ ਜੋਸੇਫ ਸ਼ੋ ਨੇ ਕਿਹਾ ਕਿ ਇਸ ਕਾਨੂੰਨ 'ਤੇ ਕੰਮ ਕੀਤਾ ਜਾ ਰਿਹਾ ਹੈ। ਗੌਰਤਲਬ ਹੈ ਕਿ 31ਵੀਂ ਵਿਧਾਨ ਸਭਾ ਦੀ ਇਹ ਸੀਟਿੰਗ ਦਸੰਬਰ 7 ਤੱਕ ਚੱਲੇਗੀ।
