ਐਡਮਿੰਟਨ ਦੇ ਵਿਅਕਤੀ ਨੂੰ ਵੀਅਤਨਾਮ ਦੇ ਬੱਚੇ ਨਾਲ ਜਿਨਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ ਹਿਰਾਸਤ ਵਿਚ ਲਿਆ ਗਿਆ

ਐਡਮਿੰਟਨ ਦੇ ਇਕ ਵਿਅਕਤੀ ਨੂੰ ਵੀਅਤਨਾਮ ਦੇ ਇਕ ਬੱਚੇ ਨਾਲ ਜਿਨਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ ਹਿਰਾਸਤ ਵਿਚ ਲਿਆ ਗਿਆ ਹੈ। 55 ਸਾਲਾ ਕ੍ਰਿਸਟੋਫਰ ਵੈਬਰ ਨੇ 2021 ਅਤੇ 2022 ਵਿਚ 3 ਕੁ ਸਾਲ ਦੇ ਬੱਚੇ ਨਾਲ ਜਿਨਸੀ ਸ਼ੋਸ਼ਣ ਦੀ ਵੀਡੀਓ ਬਣਾਈ ਅਤੇ ਇਸ ਨੂੰ ਔਨਲਾਈਨ ਪੋਸਟ ਕੀਤਾ।

ਅਲਬਰਟਾ ਲਾਅ ਇਨਫੋਰਸਮੈਂਟ ਰਿਸਪਾਂਸ ਟੀਮ , ਬੀ.ਸੀ. ਪੁਲਿਸ, ਅਮਰੀਕੀ ਘਰੇਲੂ ਸੁਰੱਖਿਆ ਅਤੇ ਵੀਅਤਨਾਮੀ ਪੁਲਿਸ ਨੇ ਮਿਲ ਕੇ ਵੈਬਰ ਦੀ ਪਛਾਣ ਕੀਤੀ ਅਤੇ ਹਿਰਾਸਤ ਵਿਚ ਲੈਣ ਲਈ ਮਦਦ ਕੀਤੀ। ਪੁਲਿਸ ਨੂੰ ਬੱਚਾ ਅਤੇ ਵੈਬਰ ਵੀਅਤਨਾਮ ਵਿਚ ਮਿਲੇ। ਵੈਬਰ ਨੂੰ 15 ਮਈ ਨੂੰ ਹਿਰਾਸਤ ਵਿਚ ਲਿਆ ਗਿਆ। ਉਸ ਨੂੰ ਬੱਚੇ ਨਾਲ ਜਿਣਸੀ ਅਪਰਾਧ ਕਰਨ ਦਾ ਪ੍ਰਬੰਧ ਕਰਨ, ਜਿਨਸੀ ਦਖਲਅੰਦਾਜ਼ੀ ਅਤੇ ਬਾਲ ਪੋਰਨੋਗ੍ਰਾਫੀ ਬਣਾਉਣ ਅਤੇ ਰੱਖਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਉਸ ਨੂੰ 11 ਜੂਨ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ। ਫਿਲਹਾਲ ਕੋਈ ਵੀ ਦੋਸ਼ ਅਦਾਲਤ ਵਿਚ ਸਾਬਤ ਨਹੀਂ ਹੋਈ।