ਨਾਹੀਦ ਨੈਨਸ਼ੀ ਨੇ ਐਡਮਿੰਟਨ-ਸਟਰੈਥਕੋਨਾ ਤੋਂ ਚੋਣ ਦੌਰਾਨ ਪ੍ਰੀਮੀਅਰ ਸਮਿਥ ਨੂੰ ਟੱਕਰ ਦੇਣ ਦਾ ਕੀਤਾ ਐਲਾਨ

ਐਲਬਰਟਾ ਦੀ ਵਿਰੋਧੀ ਧਿਰ ਐਨ.ਡੀ.ਪੀ. ਦੇ ਪ੍ਰਧਾਨ ਨਾਹੀਦ ਨੈਨਸ਼ੀ ਨੇ ਐਲਾਨ ਕੀਤਾ ਹੈ ਕਿ ਐਡਮਿੰਟਨ-ਸਟਰੈਥਕੋਨਾ ਤੋਂ ਚੋਣ ਦੌਰਾਨ ਪ੍ਰੀਮੀਅਰ ਡੈਨੀਅਲ ਸਮਿਥ ਨੂੰ ਸਿੱਧੀ ਟੱਕਰ ਦੇਣ ਜਾ ਰਹੇ ਹਨ। ਉਨ੍ਹਾਂ ਅੱਜ ਪੁਸ਼ਟੀ ਕੀਤੀ ਉਹ ਐਡਮਿੰਟਨ-ਸਟਰੈਥਕੋਨਾ ਦੀ ਖਾਲੀ ਸੀਟ ਲਈ ਉਮੀਦਵਾਰ ਵਜੋਂ ਖੜ੍ਹੇ ਹੋ ਰਹੇ ਹਨ।

ਦੱਸ ਦੇਈਏ ਕਿ ਇਹ ਸੀਟ ਐਨ.ਡੀ.ਪੀ. ਦੀ ਸਾਬਕਾ ਲੀਡਰ ਰੇਚਲ ਨੌਟਲੀ ਨੇ 30 ਦਸੰਬਰ ਨੂੰ ਖਾਲੀ ਕੀਤੀ ਸੀ। ਉਨ੍ਹਾਂ ਇਸ ਦਾ ਐਲਾਨ ਕਰਦਿਆਂ ਕਿਹਾ ਕਿ ਉਹ ਸਮਿਥ ਨੂੰ ਸਿੱਧੀ ਟੱਕਰ ਦੇਣਗੇ। ਦੱਸ ਦੇਈਏ ਕਿ ਨੈਨਸ਼ੀ ਕੋਲ ਵਿਧਾਨ ਸਭਾ ਵਿਚ ਸੀਟ ਨਹੀਂ ਹੈ ਅਤੇ ਉਨ੍ਹਾਂ ਨੇ ਦਸੰਬਰ ਵਿਚ ਲੈਥਬ੍ਰਿਜ-ਪੱਛਮੀ ਹਲਕੇ ਦੀ ਸੀਟ ਲਈ ਚੋਣ ਲੜਨ ਤੋਂ ਇਨਕਾਰ ਕਰ ਦਿੱਤਾ ਸੀ, ਜਿਸ ਨੂੰ ਐਨ.ਡੀ.ਪੀ. ਉਮੀਦਵਾਰ ਰੋਬ ਮੀਆਸ਼ਿਰੋ ਨੇ ਜਿੱਤਿਆ।

ਨੈਨਸ਼ੀ ਐਲਬਰਟਾ ਐਨ.ਡੀ.ਪੀ. ਦੇ ਤੀਜੇ ਲੀਡਰ ਹਨ ਜੋ ਐਡਮਿੰਟਨ-ਸਟਰੈਥਕੋਨਾ ਤੋਂ ਚੋਣ ਲੜਨ ਜਾ ਰਹੇ ਹਨ। ਉਨ੍ਹਾਂ ਤੋਂ ਪਹਿਲਾਂ ਨੌਟਲੀ ਤੇ ਰਾਜ ਪੰਨੂ ਨੇ ਇਸ ਲਈ ਚੋਣ ਲੜੀ ਸੀ। ਦੱਸ ਦੇਈਏ ਕਿ ਨੈਨਸ਼ੀ 2021 ਤੱਕ 12 ਸਾਲ ਕੈਲਗਰੀ ਦੇ ਮੇਅਰ ਰਹੇ ਹਨ।