14.8C Vancouver 14.8C VancouverJun 25, 2025 1:04 PM - The Canadian Press
ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਬੀਤੇ ਦਿਨ “ਐਲਬਰਟਾ ਨੈਕਸਟ” ਪੈਨਲ ਬਾਰੇ ਗੱਲ ਕਰਦਿਆਂ ਦੱਸਿਆ ਕਿ ਉਹ ਇਸ ਗਰਮੀਆਂ ਸੂਬੇ ਦੇ ਬਿਜ਼ਨਸ ਲੀਡਰਜ਼, ਬੈਕਬੈਂਚਰ ਅਤੇ ਹੋਰ ਅਧਿਕਾਰੀਆਂ ਨਾਲ ਮਿਲੇਗੀ ਤਾਂ ਕਿ ਐਲਬਰਟਾ ਨੂੰ ਫੈਡਰਲ ਸਰਕਾਰ ਦੇ ਵੱਖਵਾਦੀ ਰਵੱਈਏ ਤੋਂ ਬਚਾਉਣ ਲਈ ਕੋਈ ਠੋਸ ਕਦਮ ਚੁੱਕਿਆ ਜਾ ਸਕੇ। ਇਸ ਪੈਨਲ ਲਈ 15 ਮੈਂਬਰਾਂ ਦੀ ਚੋਣ ਕੀਤੀ ਗਈ ਹੈ। ਸਰਕਾਰ ਵਲੋਂ ਪੈਨਕੇਕ ਬਰੇਕਫਾਸਟ ਸਣੇ ਕਈ ਪ੍ਰੋਗਰਾਮਾਂ ਦੌਰਾਨ ਲੋਕਾਂ ਨਾਲ ਗੱਲਬਾਤ ਕੀਤੀ ਜਾਵੇਗੀ।
ਸਮਿਥ ਨੇ ਇਸ ਪੈਨਲ ਦਾ ਗਠਨ ਫੈਡਰਲ ਚੋਣਾਂ ਤੋਂ ਪਹਿਲਾਂ ਕੀਤਾ ਸੀ। ਉਨ੍ਹਾਂ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਮਿਲ ਕੇ ਆਪਣੀਆਂ ਮੰਗਾਂ ਵੀ ਸਾਹਮਣੇ ਰੱਖੀਆਂ ਸਨ।ਇਸ ਪੈਨਲ ਵਿਚ ਹਾਲ ਹੀ ਵਿਚ ਜ਼ਿਮਨੀ ਚੋਣ ਜਿੱਤਣ ਵਾਲੀ ਵਿਧਾਇਕ ਤਾਰਾ ਸੌਅਰ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ।ਸਮਿਥ ਮੁਤਾਬਕ ਅਗਲੇ ਮਹੀਨੇ ਤੋਂ 10 ਟਾਊਨ ਹਾਲ ਮੀਟਿੰਗਜ਼ ਕੀਤੀਆਂ ਜਾਣਗੀਆਂ ਜੋ ਸਤੰਬਰ ਤੱਕ ਚੱਲਣਗੀਆਂ।
ਉਨ੍ਹਾਂ ਕਿਹਾ ਕਿ ਇੱਥੋਂ ਲਏ ਗਏ ਵਿਚਾਰਾਂ ਨਾਲ ਕੈਨੇਡਾ ਤੋਂ ਐਲਬਰਟਾ ਦੇ ਵੱਖ ਹੋਣ ਸਬੰਧੀ ਰਿਫਰੈਂਡਮ ਲਈ ਅਗਲੇ ਸਾਲ ਵਿਚਾਰ ਹੋਵੇਗਾ। ਵਿਰੋਧੀ ਧਿਰ ਦੇ ਐਨਡੀਪੀ ਆਗੂ ਨਾਹੀਦ ਨੈਨਸ਼ੀ ਨੇ ਕਿਹਾ ਕਿ ਸਮਿਥ ਪੈਸਾ ਅਤੇ ਸਮਾਂ ਬਰਬਾਦ ਕਰਨ ਜਾ ਰਹੀ ਹੈ।
