16.3C Vancouver 16.3C VancouverJul 16, 2025 2:01 PM - The Canadian Press
ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਉਨ੍ਹਾਂ ਦੇ ਨਿਯੁਕਤ ਕੀਤੇ ਗਏ ਮੈਂਬਰਾਂ ਦਾ ਪੈਨਲ ਕੱਲ ਰੈੱਡ ਡੀਅਰ ਤੋਂ ਬਾਅਦ ਅੱਜ ਐਡਮਿੰਟਨ ਵਿੱਚ ਇੱਕ ਹੋਰ ਟਾਊਨ ਹਾਲ ਵਿੱਚ ਫੈਡਰਲ ਸਰਕਾਰ ਪ੍ਰਤੀ ਜਨਤਾ ਦੀਆਂ ਚਿੰਤਾਵਾਂ ਅਤੇ ਸ਼ਿਕਾਇਤਾਂ ਸੁਣੇਗਾ।
ਰੈੱਡ ਡੀਅਰ ਵਿੱਚ ਜ਼ਿਆਦਾਤਰ ਲੋਕਾਂ ਨੇ ਓਟਾਵਾ ਤੋਂ ਕੰਟਰੋਲ ਹਾਸਲ ਕਰਨ ਦੇ ਉਦੇਸ਼ ਵਾਲੇ ਵਿਚਾਰਾਂ ਲਈ ਸਰਕਾਰ ਦੀ ਸ਼ਲਾਘਾ ਕੀਤੀ। ਅੱਜ ਰਾਤ ਇਹ ਪੈਨਲ ਵਿਰੋਧੀ ਧਿਰ ਐਨ.ਡੀ.ਪੀ. ਦੇ ਨੇਤਾ ਨਾਹੀਦ ਨੈਂਸੀ ਦੇ ਗੜ੍ਹ ਐਡਮਿੰਟਨ ਵਿੱਚ ਆਪਣੀ ਜਨਤਕ ਸੁਣਵਾਈ ਕਰੇਗਾ।
ਪ੍ਰੀਮੀਅਰ ਸਮਿਥ ਦਾ ਕਹਿਣਾ ਹੈ ਕਿ ਐਲਬਰਟਾ ਨੈਕਸਟ ਪੈਨਲ ਦਾ ਉਦੇਸ਼ ਸੂਬੇ ਵਿੱਚ ਵੱਖਵਾਦੀ ਭਾਵਨਾ ਨਾਲ ਉੱਠਣ ਵਾਲੀਆਂ ਆਵਾਜ਼ਾਂ ਦੀ ਸੁਣਵਾਈ ਕਰਨਾ ਹੈ। ਉਹਨਾਂ ਨੇ ਕਿਹਾ ਕਿ ਇਸ ਪੈਨਲ ਦੇ ਤਹਿਤ ਲੋਕਾਂ ਦੀਆਂ ਫੈਡਰਲ ਸਰਕਾਰ ਪ੍ਰਤੀ ਚਿੰਤਾਵਾਂ ਨੂੰ ਸੁਣ ਕੇ ਉਹਨਾਂ ਚੀਜਾਂ ਨੂੰ ਠੀਕ ਕਰਨ ਦੀ ਮਨਸ਼ਾ ਹੈ, ਜੋ ਸ਼ਿਕਾਇਤਾਂ ਦਾ ਕਾਰਨ ਬਣਦੀਆਂ ਹਨ।
