17.22C Vancouver 17.22C VancouverSep 15, 2025 1:14 PM - The Canadian Press
ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਅਗਵਾਈ ਵਾਲਾ ਐਲਬਰਟਾ ਨੈਕਸਟ ਪੈਨਲ ਅੱਜ ਰਾਤ ਨੂੰ ਏਅਰਡ੍ਰੀ ਵਿੱਚ ਆਪਣਾ ਅਗਲਾ ਟਾਊਨ ਹਾਲ ਕਰੇਗਾ। ਐਲਬਰਟਾ ਸਰਕਾਰ ਇਨ੍ਹਾਂ ਟਾਊਨ ਹਾਲਾਂ ਰਾਹੀਂ ਜਨਤਾ ਤੋਂ ਫੈਡਰਲ ਸਰਕਾਰ ਅਤੇ ਸੂਬੇ ਵਿਚਕਾਰ ਸੰਬੰਧਾਂ 'ਤੇ ਵਿਚਾਰ ਜਾਨਣ ਦੀ ਕੋਸ਼ਿਸ਼ ਕਰ ਰਹੀ ਹੈ । ਸੂਬਾ ਸਰਕਾਰ ਵੱਲੋਂ ਤਹਿ ਕੀਤੇ ਗਏ ਕੁੱਲ 10 ਟਾਊਨ ਹਾਲਾਂ ਵਿੱਚੋਂ ਇਹ ਅੱਠਵਾਂ ਟਾਊਨ ਹਾਲ ਹੈ।
ਪ੍ਰੀਮੀਅਰ ਸਮਿਥ ਦਾ ਕਹਿਣਾ ਹੈ ਕਿ ਐਲਬਰਟਾ ਨੈਕਸਟ ਪੈਨਲ ਦੁਆਰਾ ਕੀਤੇ ਗਏ ਟਾਊਨ ਹਾਲਾਂ ਰਾਹੀ ਇਕੱਠਾ ਕੀਤਾ ਗਿਆ ਡੇਟਾ ਇਹ ਫੈਸਲਾ ਲੈਣ ਵਿੱਚ ਮਦਦ ਕਰੇਗਾ ਕਿ ਅਗਲੇ ਸਾਲ ਰਿਫਰੈਂਡਮ ਵਿੱਚ ਕਿਹੜੇ ਸਵਾਲ ਰੱਖੇ ਜਾਣੇ ਚਾਹੀਦੇ ਹਨ। ਇਸ ਤੋਂ ਪਹਿਲਾਂ ਪੈਨਲ ਦੇ ਲੈਥਬ੍ਰਿਜ ਵਿੱਚ ਹੋਏ ਟਾਊਨ ਹਾਲ ਨੂੰ ਲੋਕਾਂ ਦਾ ਚੰਗਾ ਹੁੰਗਾਰਾ ਮਿਲਿਆ ਸੀ । ਇਸ ਤੋਂ ਬਾਅਦ ਪੈਨਲ ਦਾ ਅਗਲਾ ਟਾਊਨ ਹਾਲ ਬੁੱਧਵਾਰ ਨੂੰ ਗ੍ਰੈਂਡ ਪ੍ਰੈਰੀ ਵਿੱਚ ਹੋਵੇਗਾ ਅਤੇ ਆਖਰੀ ਟਾਊਨ ਹਾਲ 29 ਸਤੰਬਰ ਨੂੰ ਕੈਲਗਰੀ ਵਿੱਚ ਹੋਵੇਗਾ।
