22.01C Vancouver 22.01C VancouverJul 11, 2025 7:46 PM - The Canadian Press
ਐਲਬਰਟਾ ਵਿਚ 2,300 ਨਵੇਂ ਕਿਫਾਇਤੀ ਹਾਊਸਿੰਗ ਯੂਨਿਟ ਲਈ ਸੂਬਾ ਅਤੇ ਕੈਨੇਡਾ ਸਰਕਾਰ ਨੇ ਸਾਂਝੇ ਕਦਮ ਤਹਿਤ $203 ਮਿਲੀਅਨ ਦੀ ਫੰਡਿੰਗ ਦਾ ਐਲਾਨ ਕੀਤਾ ਹੈ।ਐਲਬਰਟਾ ਦੇ ਸਮਾਜ ਸੇਵਾ ਮੰਤਰੀ ਜੇਸਨ ਨਿਕਸਨ ਨੇ ਕਿਹਾ ਕਿ ਫੰਡਿੰਗ 25 ਪ੍ਰੋਜੈਕਟਾਂ ਨੂੰ ਮਿਲੇਗੀ।
ਨਿਕਸਨ ਨੇ ਕਿਹਾ ਕਿ ਇਨ੍ਹਾਂ ਹਾਊਸਿੰਗ ਪ੍ਰੋਜੈਕਟਸ ਵਿਚ ਡਾਊਨਟਾਊਨ ਐਡਮਿੰਟਨ ਵਿਚ ਨੌਜਵਾਨਾਂ ਅਤੇ ਵਿਦਿਆਰਥੀਆਂ ਲਈ ਰਿਹਾਇਸ਼ ਤੋਂ ਲੈ ਕੇ ਕੈਲਗਰੀ ਵਿਚ ਬੇਘਰ ਹੋਣ ਦਾ ਸਾਹਮਣਾ ਕਰ ਰਹੇ ਲੋਕਾਂ ਲਈ ਯੂਨਿਟਸ ਸ਼ਾਮਲ ਹਨ।
ਨਿਕਸਨ ਦੇ ਨਾਲ ਘੋਸ਼ਣਾ ਵਿਚ ਫੈਡਰਲ ਹਾਊਸਿੰਗ ਗ੍ਰੇਗਰ ਰੌਬਰਟਸਨ ਨੇ ਕਿਹਾ ਕਿ ਅਸੀਂ ਨਵੀਂ ਪੀੜ੍ਹੀ ਦੇ ਘਰਾਂ ਦਾ ਨਿਰਮਾਣ ਕਰ ਰਹੇ ਹਾਂ ਅਤੇ ਹਰ ਉਪਲਬਧ ਸਾਧਨ ਦੀ ਵਰਤੋਂ ਕਰਕੇ ਉਸ ਵੱਡੇ ਪੱਧਰ 'ਤੇ ਘਰ ਬਣ ਰਹੇ ਹਾਂ ਜੋ ਦੂਜੇ ਵਿਸ਼ਵ ਯੁੱਧ ਤੋਂ ਬਾਅਦ ਨਹੀਂ ਦੇਖਿਆ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਕੈਨੇਡੀਅਨ ਦੀਆਂ ਜ਼ਰੂਰਤਾਂ ਅਨੁਸਾਰ ਘਰ ਬਣਾਉਣ ਲਈ ਸਾਂਝੇਦਾਰੀ ਜ਼ਰੂਰੀ ਹੈ ਅਤੇ ਨਵੀਂ ਫੰਡਿੰਗ ਐਲਬਰਟਾ ਵਾਸੀਆਂ ਲਈ ਕਿਫਾਇਤੀ ਘਰਾਂ ਨੂੰ ਯਕੀਨੀ ਬਣਾਏਗੀ।
