7.88C Vancouver 7.88C VancouverOct 24, 2025 6:58 PM - Connect Newsroom
ਐਲਬਰਟਾ ਸਰਕਾਰ ਵੱਲੋਂ 2023 ਵਿੱਚ ਸੂਬੇ ਦੀ ਕੋਲਾ ਨੀਤੀ ਨੂੰ ਬਦਲਣ ਦੇ ਤਰੀਕੇ ਨੂੰ ਲੈ ਕੇ ਕਈ ਕੋਲਾ ਕੰਪਨੀਆਂ ਨੇ ਸਰਕਾਰ ‘ਤੇ ਮੁਕੱਦਮਾ ਕੀਤਾ ਸੀ। ਤਾਜ਼ਾ ਜਾਣਕਾਰੀ ਅਨੁਸਾਰ ਸਰਕਾਰ ਨੀਤੀ ਬਦਲਣ ਦੇ ਸਬੰਧ ਵਿੱਚ ਆਸਟ੍ਰੇਲੀਆ ਦੀ ਕੋਲਾ ਕੰਪਨੀ ਈਵੋਲਵ ਪਾਵਰ ਨੂੰ $95 ਮਿਲੀਅਨ ਦਾ ਭੁਗਤਾਨ ਕਰਨ ਲਈ ਸਹਿਮਤੀ ਹੋ ਗਈ ਹੈ। ਇਸ ਗੱਲ ਦੀ ਪੁਸ਼ਟੀ ਈਵੋਲਵ ਪਾਵਰ ਨੇ ਆਪਣੇ ਇੱਕ ਨੋਟ ਰਾਹੀਂ ਕੀਤੀ ਹੈ।
ਇਸ ਸਾਲ ਦੇ ਸ਼ੁਰੂ ਵਿੱਚ ਸਰਕਾਰ ਨੇ ਇੱਕ ਹੋਰ ਕੋਲ ਕੰਪਨੀ ਐਟਰਮ ਕੋਲ ਨਾਲ $143 ਮਿਲੀਅਨ ਦਾ ਸਮਝੌਤਾ ਕੀਤਾ ਸੀ। ਇਹ ਮਾਮਲਾ 2020 ਵਿੱਚ ਯੂ.ਸੀ.ਪੀ. ਸਰਕਾਰ ਵੱਲੋਂ 1976 ਤੋਂ ਚੱਲੀ ਆ ਰਹੀ ਸੂਬੇ ਦੀ ਕੋਲਾ ਨੀਤੀ ਨੂੰ ਰੱਦ ਕਰਨ ਤੋਂ ਸ਼ੁਰੂ ਹੋਇਆ ਸੀ।
ਉਸ ਸਮੇਂ ਕਈ ਸਮੂਹਾਂ ਵੱਲੋਂ ਸਰਕਾਰ ਦਾ ਵਿਰੋਧ ਕਰਨ ਤੋਂ ਬਾਅਦ 2022 ਵਿੱਚ ਪਹਿਲੀ ਨੀਤੀ ਨੂੰ ਫਿਰ ਤੋਂ ਲਾਗੂ ਕਰ ਦਿੱਤਾ ਗਿਆ । ਸਰਕਾਰ ਦੀ ਇਸ ਗਤੀਵਿਧੀ ਨਾਲ ਕੋਲਾ ਕੰਪਨੀਆਂ ਨੂੰ ਵੱਡਾ ਨੁਕਸਾਨ ਝੱਲਣਾ ਪਿਆ ।
