19.17C Vancouver 19.17C VancouverMar 18, 2026 3:09 PM - Connect Newsroom - Jasmine Singh with files from The Canadian Press
ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਮੰਗਲਵਾਰ ਨੂੰ ਵਿਧਾਨ ਸਭਾ ਦੀ ਕਮੇਟੀ ਮੀਟਿੰਗ ਵਿੱਚ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੇ ਪਿਛਲੇ ਸਾਲ ਸਾਊਦੀ ਅਰਬ ਦੀ ਯਾਤਰਾ ਦੌਰਾਨ ਸਾਊਦੀ ਸਰਕਾਰ ਦੇ ਨਿੱਜੀ ਜਹਾਜ਼ ਦੀ ਵਰਤੋਂ ਕੀਤੀ ਸੀ।
ਇਸ ਖੁਲਾਸੇ ਤੋਂ ਬਾਅਦ ਵਿਰੋਧੀ ਧਿਰ ਐਨ.ਡੀ.ਪੀ. ਦੇ ਆਗੂ ਨਾਹੀਦ ਨੈਨਸ਼ੀ ਨੇ ਨੈਤਿਕਤਾ ਅਤੇ ਖਰਚਿਆਂ ਨੂੰ ਲੈ ਕੇ ਸਖ਼ਤ ਸਵਾਲ ਖੜ੍ਹੇ ਕੀਤੇ ਹਨ।ਪ੍ਰੀਮੀਅਰ ਅਨੁਸਾਰ ਇਹ ਯਾਤਰਾ ਅਕਤੂਬਰ ਦੇ ਅਖੀਰ ਅਤੇ ਨਵੰਬਰ ਦੀ ਸ਼ੁਰੂਆਤ ਵਿੱਚ ਊਰਜਾ ਵਿਕਾਸ, ਏ.ਆਈ. ਅਤੇ ਹੋਰ ਸਹਿਯੋਗਾਂ ਬਾਰੇ ਚਰਚਾ ਕਰਨ ਲਈ ਕੀਤੀ ਗਈ ਸੀ।
ਸਮਿਥ ਨੇ ਕਿਹਾ ਕਿ ਸਾਊਦੀ ਸਰਕਾਰ ਨੇ ਸਮੇਂ ਦੀ ਬਚਤ ਅਤੇ ਅਜਿਹੇ ਇਲਾਕਿਆਂ ਦੀ ਯਾਤਰਾ ਲਈ ਨਿੱਜੀ ਜਹਾਜ਼ ਦੀ ਪੇਸ਼ਕਸ਼ ਕੀਤੀ ਸੀ ਜਿੱਥੇ ਵਪਾਰਕ ਉਡਾਣਾਂ ਦੀ ਘਾਟ ਸੀ।ਉਨ੍ਹਾਂ ਦਾਅਵਾ ਕੀਤਾ ਕਿ ਯਾਤਰਾ ਤੋਂ ਪਹਿਲਾਂ ਪ੍ਰੋਵਿੰਸ਼ੀਅਲ ਨੈਤਿਕਤਾ ਕਮਿਸ਼ਨਰ ਤੋਂ ਗੈਰ-ਵਪਾਰਕ ਸਫ਼ਰ ਅਤੇ ਰਿਹਾਇਸ਼ ਲਈ ਮਨਜ਼ੂਰੀ ਲਈ ਗਈ ਸੀ।ਨੈਨਸ਼ੀ ਮੁਤਾਬਕ ਇਸ ਯਾਤਰਾ 'ਤੇ ਅਲਬਰਟਾ ਦੇ ਟੈਕਸਦਾਤਾਵਾਂ ਦੇ ਲਗਭਗ $64,000 ਖਰਚ ਹੋਏ ਹਨ।
