ਪ੍ਰੀਮੀਅਰ ਸਮਿਥ ਇਸ ਹਫ਼ਤੇ ਕਿਊਬੈਕ ਦੀ ਪ੍ਰੀਮੀਅਰ ਕ੍ਰਿਸਟੀਨ ਫ੍ਰੈਚੇਟ ਨਾਲ ਕਰਨਗੇ ਮੁਲਾਕਾਤ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਇਸ ਹਫ਼ਤੇ ਕਿਊਬੈਕ ਵਿੱਚ ਉੱਥੋਂ ਦੀ ਪ੍ਰੀਮੀਅਰ ਕ੍ਰਿਸਟੀਨ ਫ੍ਰੈਚੇਟ ਨਾਲ ਮੁਲਾਕਾਤ ਕਰਨ ਜਾ ਰਹੀ ਹੈ। ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਹੋਣ ਵਾਲੀਆਂ ਇਨ੍ਹਾਂ ਮੀਟਿੰਗਾਂ ਦੌਰਾਨ ਵੱਖਵਾਦ, ਈਸਟ-ਵੈਸਟ ਐਨਰਜੀ ਕੋਰੀਡੋਰ, ਵਪਾਰ, ਨਿਵੇਸ਼ ਅਤੇ Provincial autonomy ਵਰਗੇ ਅਹਿਮ ਮੁੱਦਿਆਂ 'ਤੇ ਚਰਚਾ ਹੋਣ ਦੀ ਉਮੀਦ ਹੈ।

ਸਮਿਥ ਨੇ ਕਿਹਾ ਕਿ ਕਿਊਬੈਕ ਵੱਲੋਂ ਆਪਣੇ ਕੁਦਰਤੀ ਗੈਸ ਸਰੋਤਾਂ ਨੂੰ ਵਿਕਸਤ ਕਰਨ ਦੀ ਗੱਲਬਾਤ ਨੂੰ ਮੁੜ ਸ਼ੁਰੂ ਕਰਨ ਦੀ ਸੰਭਾਵਨਾ ਹੈ, ਤਾਂ ਜੋ ਉਹ ਐਨਰਜੀ ਦੇ ਮਾਮਲੇ ਵਿੱਚ ਅਮਰੀਕਾ 'ਤੇ ਨਿਰਭਰ ਰਹਿਣ ਦੀ ਬਜਾਏ ਆਤਮ-ਨਿਰਭਰ ਹੋ ਸਕੇ ਅਤੇ ਯੂਰਪ ਨੂੰ ਵੀ Export ਕਰ ਸਕੇ।ਸਮਿਥ ਚਾਹੁੰਦੇ ਹਨ ਕਿ ਕਿਊਬੈਕ ਆਪਣੇ ਐਨਰਜੀ ਸੈਕਟਰ ਦਾ ਵਿਕਾਸ ਕਰਨ ਤਾਂ ਜੋ ਉਹ ਫੈਡਰਲ ਸਰਕਾਰ ਦੇ Equalization program'ਤੇ ਆਪਣੀ ਨਿਰਭਰਤਾ ਘਟਾ ਸਕੇ।

ਇਹ ਫੈਡਰਲ ਫੰਡਿੰਗ ਪ੍ਰੋਗਰਾਮ ਘੱਟ Revenue ਵਾਲੇ ਸੂਬਿਆਂ,ਜਿਵੇਂ ਕਿ ਕਿਊਬੈਕ, ਮੈਨੀਟੋਬਾ ਅਤੇ ਐਟਲਾਂਟਿਕ ਸੂਬਿਆਂ—ਨੂੰ ਫੰਡ ਦਿੰਦਾ ਹੈ ਤਾਂ ਜੋ ਉਹ ਅਲਬਰਟਾ ਅਤੇ ਸਸਕੈਚਵਨ ਵਰਗੇ ਅਮੀਰ ਸੂਬਿਆਂ ਵਾਂਗ ਸੇਵਾਵਾਂ ਪ੍ਰਦਾਨ ਕਰ ਸਕਣ। ਇਸ ਦੌਰੇ ਦੌਰਾਨ ਸਮਿਥ ਕਿਊਬੈਕ ਦੀਆਂ ਕਈ ਪ੍ਰਮੁੱਖ ਕੰਪਨੀਆਂ ਅਤੇ ਉਦਯੋਗਿਕ ਐਸੋਸੀਏਸ਼ਨਾਂ ਦੇ ਨੁਮਾਇੰਦਿਆਂ ਨਾਲ ਵੀ ਮੁਲਾਕਾਤ ਕਰੇਗੀ।