ਐਲਬਰਟਨਜ਼ ਨੂੰ ਕੋਰੋਨਾ ਦੇ ਟੀਕੇ ਖਰੀਦਣੇ ਪੈਣਗੇ ਆਪ, ਪ੍ਰੀਮੀਅਰ ਨੇ ਕੀਤਾ ਸਮਰਥਨ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਕੋਵਿਡ-19 ਦੇ ਟੀਕੇ ਦਾ ਖਰਚਾ ਲੋਕਾਂ ਨੂੰ ਆਪਣੀ ਜੇਬ ਵਿਚੋਂ ਕਰਨ ਵਾਲੀ ਨੀਤੀ ਦਾ ਸਮਰਥਨ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਬਹੁਤੇ ਲੋਕ ਸਰਕਾਰ ਵਲੋਂ ਖਰੀਦੇ ਟੀਕੇ ਲਗਵਾਉਣ ਤੋਂ ਇਨਕਾਰ ਕਰ ਦਿੰਦੇ ਹਨ ਅਤੇ ਸੂਬੇ ਨੂੰ ਘਾਟਾ ਪੈਂਦਾ ਹੈ। ਉਨ੍ਹਾਂ ਇਹ ਕਦਮ ਉਦੋਂ ਚੁੱਕਿਆ ਹੈ ਜਦ ਫੈਡਰਲ ਸਰਕਾਰ ਨੇ ਇਸ ਸਾਲ ਦੇ ਸ਼ੁਰੂ ਵਿਚ ਕੋਵਿ਼ਡ ਟੀਕਾਕਰਣ ਨੂੰ ਖਰੀਦਣ ਦਾ ਇੰਚਾਰਜ ਸੂਬਿਆਂ ਨੂੰ ਬਣਾਇਆ ਹੈ।

ਸਮਿਥ ਮੁਤਾਬਕ ਪਿਛਲੇ ਸਾਲ ਉਨ੍ਹਾਂ ਨੂੰ $135 ਮਿਲੀਅਨ ਦੇ ਟੀਕੇ ਬਰਬਾਦ ਕਰਨੇ ਪਏ। ਉਨ੍ਹਾਂ ਦੱਸਿਆ ਕਿ 4.8 ਮਿਲੀਅਨ ਨਿਵਾਸੀਆਂ ਵਿਚੋਂ 14 ਫੀਸਦੀ ਐਲਬਰਟਨਜ਼ ਨੇ ਪਿਛਲੇ ਵਾਇਰਸ ਸੀਜ਼ਨ ਦੌਰਾਨ ਟੀਕੇ ਲਗਵਾਏ ਸਨ। ਸਮਿਥ ਸਰਕਾਰ ਨੇ ਸੋਸ਼ਲ ਪ੍ਰੋਗਰਾਮਜ਼ ਵਿਚ ਸ਼ਾਮਿਲ ਅਤੇ ਕੁਝ ਬਜ਼ੁਰਗਾਂ ਦੇ ਮੁਫਤ ਟੀਕੇਕਰਣ ਲਈ ਵਾਅਦਾ ਕੀਤਾ ਹੈ ਪਰ ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਹਰੇਕ ਨੂੰ ਇਹ ਸੁਵਿਧਾ ਨਹੀਂ ਮਿਲੇਗੀ।

ਸੂਬੇ ਦੀ ਵਿਰੋਧੀ ਧਿਰ ਦਾ ਕਹਿਣਾ ਹੈ ਕਿ ਇਸ ਦਾ ਵਿਰੋਧ ਕੀਤਾ ਹੈ। ਕੁਝ ਮਾਹਿਰਾਂ ਦਾ ਕਹਿਣਾ ਹੈ ਕਿ ਸਰਕਾਰ ਕੋਰੋਨਾ ਟੀਕੇ ਦੀ ਫੰਡਿੰਗ ਬੰਦ ਕਰਕੇ ਲੋਕਾਂ ਨੂੰ ਇਹ ਸੁਨੇਹਾ ਦੇ ਰਹੀ ਹੈ ਕਿ ਕੋਰੋਨਾ ਦਾ ਟੀਕਾ ਲਗਵਾਉਣਾ ਵਧੇਰੇ ਮਹੱਤਵਪੂਰਣ ਨਹੀਂ ਹੈ।