ਟੰਬਲਰ ਰਿਜ ਸਕੂਲ ਵਿਚ ਵਾਪਰੇ ਦੁਖ਼ਾਂਤ 'ਤੇ ਡੈਨੀਅਲ ਸਮਿਥ ਨੇ ਪ੍ਰਗਟਾਇਆ ਸੋਗ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਬੀ. ਸੀ. ਦੇ ਟੰਬਲਰ ਰਿਜ ਸਕੂਲ ਵਿਚ ਵਾਪਰੇ ਦੁਖ਼ਾਂਤ 'ਤੇ ਸੋਗ ਪ੍ਰਗਟਾਇਆ ਹੈ। ਸਮਿਥ ਨੇ ਕਿਹਾ ਕਿ ਉਹ ਵਿਦਿਆਰਥੀਆਂ, ਸਟਾਫ ਅਤੇ ਪਰਿਵਾਰਾਂ ਸਣੇ ਪੂਰੀ ਕਮਿਊਨਿਟੀ ਨਾਲ ਇਸ ਦੁੱਖ ਦੀ ਘੜੀ ਵਿਚ ਉਨ੍ਹਾਂ ਨਾਲ ਹਨ। ਇਸ ਸਮੂਹਿਕ ਗੋਲੀਬਾਰੀ ਦੌਰਾਨ 10 ਲੋਕਾਂ ਦੀ ਮੌਤ ਹੋ ਗਈ , ਜਿਸ ਵਿਚ ਸ਼ੂਟਰ ਵੀ ਸ਼ਾਮਲ ਹੈ।

ਆਰ.ਸੀ.ਐਮ.ਪੀ. ਅਨੁਸਾਰ,ਹਮਲਾਵਰ ਨੇ ਵਾਰਦਾਤ ਮਗਰੋਂ ਖੁਦ ਨੂੰ ਵੀ ਗੋਲੀ ਮਾਰ ਲਈ ਅਤੇ ਉਸ ਦੀ ਲਾਸ਼ ਮੌਕੇ 'ਤੇ ਸਕੂਲ ਵਿਚ ਮਿਲੀ। ਇਸ ਘਟਨਾ ਵਿਚ ਲਗਭਗ 25 ਹੋਰ ਲੋਕ ਵੀ ਜ਼ਖਮੀ ਹੋਏ, ਜਿਨ੍ਹਾਂ ਦੀਆਂ ਸੱਟਾਂ ਗੈਰ ਜਾਨਲੇਵਾ ਸਨ। ਬੀ. ਸੀ. ਆਰ.ਸੀ.ਐਮ.ਪੀ. ਮੁਤਾਬਕ, ਦੁਪਹਿਰ ਕਰੀਬ 1:20 ਵਜੇ ਟੰਬਲਰ ਰਿਜ ਸਕੈਂਡਰੀ ਸਕੂਲ ਵਿਚ ਹਮਲਾਵਰ ਨੇ ਗੋਲੀਆਂ ਚਲਾਈਆਂ, ਜਿੱਥੇ 6 ਲੋਕਾਂ ਦੀ ਮੌਕੇ 'ਤੇ ਮੌਤ ਹੋ ਗਈ ਅਤੇ ਇੱਕ ਨੇ ਹਸਪਤਾਲ ਲਿਜਾਂਦੇ ਸਮੇਂ ਦਮ ਤੋੜ ਦਿੱਤਾ।