ਐਲਬਰਟਾ ਸਰਕਾਰ ਐਂਬਰ ਅਲਰਟ ਨਿਯਮਾਂ ਵਿੱਚ ਕਰੇਗੀ ਸੋਧ, ਪ੍ਰੀਮੀਅਰ ਸਮਿਥ ਦਾ ਭਰੋਸਾ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਸੂਬੇ ਦੇ ਐਂਬਰ ਅਲਰਟ ਸਿਸਟਮ ਵਿੱਚ ਸੁਧਾਰ ਕਰਨ ਦਾ ਭਰੋਸਾ ਦਿੱਤਾ ਗਿਆ ਹੈ। ਸਮਿਥ ਨੇ 11 ਸਾਲਾ ਪਾਰਕਰ ਵੈੱਲਜ਼ ਦੇ ਲਾਪਤਾ ਹੋਣ ਦੇ ਦੋ ਦਿਨ ਬਾਅਦ ਐਬਰ ਅਲਰਟ ਜਾਰੀ ਕਰਨ ਦੇ ਫੈਸਲੇ 'ਤੇ ਚਰਚਾ ਕੀਤੀ।ਪਾਰਕਰ , ਜੋ ਕਿ ਔਟਿਜ਼ਮ ਤੋਂ ਪੀੜਤ ਹੈ, ਸ਼ੁਰੂਆਤ ਵਿੱਚ ਐਂਬਰ ਅਲਰਟ ਦੇ ਤੈਅ ਨਿਯਮਾਂ 'ਚ ਫਿੱਟ ਨਹੀਂ ਬੈਠਦਾ ਸੀ।

ਪ੍ਰੀਮੀਅਰ ਨੇ ਕਿਹਾ ਕਿ ਸਥਾਨਕ ਪੁਲਿਸ ਅਧਿਕਾਰੀਆਂ ਨੂੰ ਅਜਿਹੇ ਫੈਸਲੇ ਲੈਣ ਦੀ ਖੁੱਲ੍ਹ ਮਿਲਣੀ ਚਾਹੀਦੀ ਹੈ, ਜਿਵੇਂ ਹੀ ਕੈਲਗਰੀ ਪੁਲਿਸ ਨੇ ਬੇਨਤੀ ਕੀਤੀ, ਤੁਰੰਤ ਐਂਬਰ ਅਲਰਟ ਜਾਰੀ ਕਰ ਦਿੱਤਾ ਗਿਆ ਸੀ।ਮਾਪਿਆਂ ਵਲੋਂ ਅਲਰਟ ਵਿੱਚ ਦੇਰੀ 'ਤੇ ਵੀ ਸਵਾਲ ਉਠ ਰਹੇ ਹਨ। 16 ਜੁਲਾਈ ਨੂੰ ਪਾਰਕਰ ਦੇ ਗੁੰਮ ਹੋਣ ਤੋਂ ਬਾਅਦ, ਦੇਸ਼ ਭਰ ਵਿੱਚ ਨਿਯਮਾਂ ਨੂੰ ਲੈ ਕੇ ਬਹਿਸ ਛਿੜ ਗਈ ਹੈ।

ਖੋਜ ਅਭਿਆਨ ਵਿੱਚ ਮਦਦ ਕਰ ਰਹੀ Deanna Daher ਦਾ ਮੰਨਣਾ ਹੈ ਕਿ ਜੇਕਰ ਅਲਰਟ ਸਮੇਂ ਸਿਰ ਜਾਰੀ ਹੁੰਦਾ ਤਾਂ ਬੱਚਾ ਹੁਣ ਤੱਕ ਘਰ ਵਾਪਸ ਆ ਚੁੱਕਾ ਹੁੰਦਾ। ਪੁਲਿਸ ਨੂੰ ਹੋਰ ਜ਼ਰੂਰੀ ਅਧਿਕਾਰ ਦੇਣ ਲਈ ਆਉਂਦੇ ਫਾਲ ਦੌਰਾਨ ਕਾਨੂੰਨ ਵਿੱਚ ਬਦਲਾਅ ਕੀਤੇ ਜਾਣਗੇ।