18.05C Vancouver 18.05C VancouverNov 4, 2024 1:57 PM - The Canadian Press
ਐਲਬਰਟਾ ਦੀ ਲੀਡਰ ਅਤੇ ਪ੍ਰੀਮੀਅਰ ਬਣਨ ਲਈ ਡੈਨੀਅਲ ਸਮਿਥ ਨੂੰ ਪਾਰਟੀ ਵਲੋਂ 91 ਫੀਸਦੀ ਮੈਂਬਰਜ਼ ਦਾ ਸਮਰਥਨ ਮਿਲਿਆ ਹੈ। ਸਮਿਥ ਨੇ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਹੁਣ ਪਹਿਲਾਂ ਨਾਲੋਂ ਵਧੇਰੇ ਮਜ਼ਬੂਤ ਹੋ ਗਈ ਹੈ। 2022 ਵਿਚ ਉਨ੍ਹਾਂ ਨੂੰ ਸਿਰਫ 54 ਫੀਸਦੀ ਸਮਰਥਨ ਹਾਸਿਲ ਹੋਇਆ ਸੀ।
ਯੂ.ਸੀ.ਪੀ. ਮੈਂਬਰ ਡਾ: ਡੇਵਿਡ ਚੈਲਕ ਨੇ ਕਿਹਾ ਕਿ ਕਿਸੇ ਨੂੰ ਵੀ ਕਦੇ 100 ਫੀਸਦੀ ਸਮਰਥਨ ਨਹੀਂ ਮਿਲਦਾ ਅਤੇ ਸਮਿਥ ਨੂੰ ਇਸ ਲਈ ਚੁਣਿਆ ਗਿਆ ਹੈ ਕਿ ਕਿਉਂਕਿ ਉਹ ਸੂਬੇ ਨੂੰ ਪਹਿਲਾਂ ਨਾਲੋਂ ਆਜ਼ਾਦ ਕਰਵਾ ਰਹੀ ਹੈ।
ਦੱਸ ਦਈਏ ਕਿ ਪਿਛਲੀ ਵਾਰ ਜੇਸਨ ਕੈਨੀ ਦੇ ਹੱਥ ਲੀਡਰਸ਼ਿਪ ਦੇਣ ਲਈ 51.4 ਫੀਸਦੀ ਵੋਟਾਂ ਮਿਲੀਆਂ ਸਨ। ਦੱਸ ਦਈਏ ਕਿ ਸਮਿਥ ਇਸ ਵਾਰ ਵਿਧਾਨ ਸਭਾ ਦੇ ਸੈਸ਼ਨ ਵਿਚ ਕਈ ਨਵੇਂ ਕਾਨੂੰਨ ਬਣਾਉਣ ਦੀ ਤਿਆਰੀ ਵਿਚ ਹੈ, ਜਿਸ ਕਾਰਨ ਲੱਗਦਾ ਸੀ ਕਿ ਸ਼ਾਇਦ ਲੋਕ ਉਨ੍ਹਾਂ ਨੂੰ ਘੱਟ ਪਸੰਦ ਕਰਨਗੇ ਪਰ ਲੀਡਰਸ਼ਿਪ ਦੌੜ ਵਿਚ ਸ਼ਾਮਿਲ ਸਾਰੇ ਮੈਂਬਰਾਂ ਨੇ ਇਹ ਹੀ ਕਿਹਾ ਸੀ ਕਿ ਸਮਿਥ ਤੋਂ ਵਧੀਆ ਕੋਈ ਵੀ ਸੂਬੇ ਨੂੰ ਸੰਭਾਲ ਨਹੀਂ ਸਕਦਾ। ਸਮਿਥ ਨੂੰ ਮਿਲੀ ਇਸ ਸਪੋਰਟ ਨੂੰ ਦੇਖਦਿਆਂ ਲੱਗਦਾ ਹੈ ਕਿ 2027 ਵਿਚ ਆਉਣ ਵਾਲੀਆਂ ਆਮ ਚੋਣਾਂ ਵਿਚ ਉਹ ਮੁੜ ਸੱਤਾ ਸੰਭਾਲੇਗੀ।
