11.3C Vancouver 11.3C VancouverDec 16, 2024 1:10 PM - The Canadian Press
ਐਲਬਰਟਾ ਵਿਚ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵਿਚ ਲਿੰਗ ਪਰਿਵਰਤਨ ਨੂੰ ਰੋਕਣ ਲਈ ਪ੍ਰੀਮੀਅਰ ਡੈਨੀਅਲ ਸਮਿਥ ਸਰਕਾਰ ਵੱਡਾ ਕਦਮ ਚੁੱਕਣ ਜਾ ਰਹੀ ਹੈ। ਸਮਿਥ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਇਸ ਬੈਨ ਨੂੰ ਲਾਗੂ ਕਰਨ ਲਈ ਨੌਟਵਿਥਸਟੈਂਡਿੰਗ ਕਲੌਸ ਦੀ ਵਰਤੋਂ ਕਰ ਸਕਦੀ ਹੈ।
ਇਹ ਕਾਨੂੰਨ ਡੌਕਟਰਜ਼ ਨੂੰ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਹਾਰਮੋਨ ਥੈਰੇਪੀ ਦਾ ਇਲਾਜ ਦੇਣ ਤੋਂ ਰੋਕ ਲਾਵੇਗਾ। ਉਨ੍ਹਾਂ ਕਿਹਾ ਕਿ ਜਦ ਤੱਕ ਬੱਚੇ ਬਾਲਗ ਨਹੀਂ ਹੋ ਜਾਂਦੇ ਉਨ੍ਹਾਂ ਨੂੰ ਸਾਰੀ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰਨ ਵਾਲਾ ਫੈਸਲਾ ਜਲਦਬਾਜ਼ੀ ਵਿਚ ਨਹੀਂ ਲੈਣਾ ਚਾਹੀਦਾ। ਦੱਸ ਦਈਏ ਕਿ LGBTQ+ ਸੰਗਠਨਾਂ ਈਗਲ ਕੈਨੇਡਾ ਅਤੇ ਅਲਬਰਟਾ-ਅਧਾਰਤ ਸਕਿੱਪਿੰਗ ਸਟੋਨ ਫਾਊਂਡੇਸ਼ਨ ਵਲੋਂ ਇਸ ਕਾਨੂੰਨ ਖਿਲਾਫ ਅਦਾਲਤ ਵਿਚ ਚੁਣੌਤੀ ਦਿੱਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਕਾਨੂੰਨ ਹਰ ਨਾਗਰਿਕ ਨੂੰ ਮਿਲਣ ਵਾਲੀ ਸਮਾਨਤਾ, ਸਕਿਓਰਿਟੀ ਅਤੇ ਆਜ਼ਾਦੀ ਵਿਚ ਰੋਕ ਪੈਦਾ ਕਰਦਾ ਹੈ।
ਦੱਸ ਦਈਏ ਕਿ ਸਸਕੈਚਵਨ ਵਿਚ ਵੀ ਇਸੇ ਤਰ੍ਹਾਂ ਸਕੂਲ ਪੌਲਿਸੀ ਅਪਣਾਈ ਗਈ ਅਤੇ ਪਿਛਲੇ ਸਾਲ ਨੌਟਵਿਥਸਟੈਂਡਿੰਗ ਕਲੌਸ ਲਾਗੂ ਕੀਤਾ ਗਿਆ ਸੀ।
