ਪ੍ਰੀਮੀਅਰ ਡੈਨੀਅਲ ਸਮਿਥ ਅੱਜ ਵੱਖਵਾਦੀ ਰੈਫੰਡਮ ਬਹਿਸ ਬਾਰੇ ਅੱਜ ਕਰਨਗੇ ਸੰਬੋਧਨ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਅੱਜ ਸ਼ਾਮ ਇੱਕ ਵਿਸ਼ੇਸ਼ ਟੈਲੀਵਿਜ਼ਨ ਸੰਬੋਧਨ ਕਰਨ ਜਾ ਰਹੇ ਹਨ। ਇਹ ਸੰਬੋਧਨ ਅਜਿਹੇ ਸਮੇਂ ਹੋ ਰਿਹਾ ਹੈ ਜਦੋਂ ਕੈਨੇਡੀਅਨ ਫੈਡਰੇਸ਼ਨ ਤੋਂ ਐਲਬਰਟਾ ਦੇ ਵੱਖ ਹੋਣ ਸਬੰਧੀ ਰੈਫਰੈਂਡਮ ਕਰਵਾਉਣ ਦੀਆਂ ਅਫਵਾਹਾਂ ਹਨ।ਇਹ ਵਿਸ਼ੇਸ਼ ਸੰਬੋਧਨ ਅੱਜ ਸ਼ਾਮ 6:45 ਵਜੇ ਜਾਰੀ ਹੋਵੇਗਾ।

ਇਸ ਤੋਂ ਇਕ ਦਿਨ ਪਹਿਲਾਂ ਪ੍ਰੀਮੀਅਰ ਸਮਿਥ ਦੀ ਆਪਣੀ ਹੀ 'ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ' ਦੇ ਕਾਕਸ ਮੈਂਬਰ ਕਮੇਟੀ ਵਿੱਚ ਇੱਕ ਅਹਿਮ ਮਤਾ ਪਾਸ ਕਰਵਾਉਣ ਵਿੱਚ ਅਸਫਲ ਰਹੇ ਯੂਸੀਪੀ ਮੈਂਬਰ ਨੈਟ ਗਲੂਬਿਸ਼ਵੱਲੋਂ ਇੱਕ ਮਤਾ ਪੇਸ਼ ਕੀਤਾ ਗਿਆ ਸੀ, ਜਿਸ ਵਿੱਚ ਪ੍ਰੀਮੀਅਰ ਸਮਿਥ ਨੂੰ ਅਪੀਲ ਕੀਤੀ ਗਈ ਸੀ ਕਿ ਉਹ 19 ਅਕਤੂਬਰ ਨੂੰ ਕੈਨੇਡੀਅਨ ਫੈਡਰੇਸ਼ਨ ਵਿੱਚ ਐਲਬਰਟਾ ਦੀ ਸਥਿਤੀ ਅਤੇ ਭਵਿੱਖ ਨੂੰ ਲੈ ਕੇ ਰੈਫਰੈਂਡਮ ਕਰਵਾਉਣ ਦਾ ਐਲਾਨ ਕਰਨ।

ਜਦੋਂ ਕਮੇਟੀ ਵਿੱਚ ਇਸ ਮਤੇ 'ਤੇ ਬਹਿਸ ਚੱਲ ਰਹੀ ਸੀ, ਤਾਂ ਉਸੇ ਦੌਰਾਨ ਯੂਸੀਪੀ ਕਾਕਸ ਵੱਲੋਂ ਗਲਤੀ ਨਾਲ ਇੱਕ ਪ੍ਰੈਸ ਰਿਲੀਜ਼ ਜਾਰੀ ਕਰ ਦਿੱਤੀ ਗਈ, ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਕਿ ਇਹ ਮਤਾ ਪਾਸ ਹੋ ਗਿਆ ਹੈ।ਵਿਰੋਧੀ ਧਿਰ ਐਨ.ਡੀ.ਪੀ. ਦੇ ਮੈਂਬਰਾਂ ਨੇ ਇਸ 'ਤੇ ਸਖ਼ਤ ਇਤਰਾਜ਼ ਜਤਾਇਆ। ਹੰਗਾਮੇ ਕਾਰਨ ਮੀਟਿੰਗ ਦਾ ਸਮਾਂ ਖਤਮ ਹੋ ਗਿਆ ਅਤੇ ਕੋਈ ਨਤੀਜਾ ਨਹੀਂ ਨਿਕਲ ਸਕਿਆ।