Alberta proposes law to add citizenship status and health numbers to driver’s licences

ਐਲਬਰਟਾ ਸਰਕਾਰ ਨੇ ਡਰਾਈਵਰ ਲਾਇਸੈਂਸਾਂ 'ਤੇ ਸਿਟੀਜਨਸ਼ਿਪ ਮਾਰਕਰ ਅਤੇ ਹੈਲਥ ਨੰਬਰ ਜੋੜਨ ਲਈ ਕਾਨੂੰਨ ਕੀਤਾ ਪੇਸ਼

Share On

alberta-proposes-law-to-add-citizenship-status-and-health-numbers-to-drivers-licences

Government officials argue the measure will make it easier for public agencies to confirm eligibility for services and could help reduce the risk of voter fraud during provincial elections. (Photo: Facebook/Danielle Smith)

ਐਲਬਰਟਾ ਸਰਕਾਰ ਨੇ ਡਰਾਈਵਰ ਲਾਈਸੈਂਸ ਅਤੇ ਪਛਾਣ ਪੱਤਰ ਵਿੱਚ ਹੈਲਥ ਕੇਅਰ ਨੰਬਰ ਅਤੇ ਸਿਟੀਜਨਸ਼ਿਪ ਮਾਰਕਰ ਸ਼ਾਮਲ ਕਰਨ ਲਈ ਸੋਮਵਾਰ ਸ਼ਾਮ ਵਿਧਾਨ ਸਭਾ ਵਿਚ ਬਿੱਲ ਪੇਸ਼ ਕਰ ਦਿੱਤਾ ਹੈ।ਇਸ ਬਿੱਲ ਦੇ ਪਾਸ ਹੋਣ 'ਤੇ ਹਰ ਕਾਰਡ 'ਤੇ ਇੱਕ ਛੋਟਾ ਜਿਹਾ ਕੋਡ ਜਾਂ ਮਾਰਕਰ ਹੋਵੇਗਾ ਜੋ ਇਹ ਦੱਸੇਗਾ ਕਿ ਕਾਰਡ ਧਾਰਕ ਕੈਨੇਡਾ ਦਾ ਨਾਗਰਿਕ ਹੈ ਜਾਂ ਨਹੀਂ।

ਸਰਵਿਸਸ ਐਲਬਰਟਾ ਤੇ ਰੈਡ ਟੇਪ ਰੀਡਕਸ਼ਨ ਦੇ ਮੰਤਰੀ ਡੇਲ ਨੈਲੀ ਦਾ ਕਹਿਣਾ ਹੈ ਕਿ ਇਸ ਨਾਲ ਐਲਬਰਟਾ ਵਾਸੀਆਂ ਲਈ ਸਰਕਾਰੀ ਸੇਵਾਵਾਂ ਤੱਕ ਪਹੁੰਚ ਕਰਨਾ ਬਹੁਤ ਸੌਖਾ ਹੋ ਜਾਵੇਗਾ। ਇਸ ਨਾਲ ਲੋਕਾਂ ਨੂੰ ਸਰਕਾਰੀ ਲਾਭ ਲਈ ਅਪਲਾਈ ਕਰਦੇ ਸਮੇਂ ਹਰ ਵਾਰ ਆਪਣੇ ਜਨਮ ਸਰਟੀਫਿਕੇਟ ਜਾਂ ਨਾਗਰਿਕਤਾ ਦੇ ਹੋਰ ਸਬੂਤ ਦਿਖਾਉਣ ਦੀ ਲੋੜ ਨਹੀਂ ਪਵੇਗੀ।

ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਨਾਲ ਚੋਣ ਅਤੇ ਸਿਸਟਮ ਵਿੱਚ ਧੋਖਾਧੜੀ ਨੂੰ ਰੋਕਿਆ ਜਾ ਸਕੇਗਾ। ਉੱਥੇ ਹੀ,ਆਲੋਚਕਾਂ ਨੂੰ ਡਰ ਹੈ ਕਿ ਆਈ.ਡੀ.'ਤੇ ਨਾਗਰਿਕਤਾ ਦਾ ਮਾਰਕਰ ਹੋਣ ਨਾਲ ਗੈਰ-ਨਾਗਰਿਕ ਨਾਲ ਵਿਤਕਰਾ ਹੋ ਸਕਦਾ ਹੈ।ਜੇਕਰ ਇਹ ਬਿੱਲ ਵਿਧਾਨ ਸਭਾ ਵਿੱਚ ਪਾਸ ਹੋ ਜਾਂਦਾ ਹੈ,ਤਾਂ ਸਰਕਾਰ ਨੂੰ ਉਮੀਦ ਹੈ ਕਿ ਨਵੇਂ ਕਾਰਡ 2026 ਦੇ ਮਿਡ ਤੱਕ ਜਾਰੀ ਹੋਣੇ ਸ਼ੁਰੂ ਹੋ ਜਾਣਗੇ। ਸਮਿਥ ਸਰਕਾਰ ਨੇ ਭਰੋਸਾ ਦਿੱਤਾ ਹੈ ਕਿ ਲਾਈਸੈਂਸ ਅਤੇ ਪਛਾਣ ਪੱਤਰ ਅਪਡੇਟ ਕਰਵਾਉਣ ਲਈ ਐਲਬਰਟਾ ਵਾਸੀਆਂ ਨੂੰ ਕੋਈ ਵਾਧੂ ਫੀਸ ਨਹੀਂ ਦੇਣੀ ਪਵੇਗੀ।

ਐਲਬਰਟਾ ਸਰਕਾਰ ਵੱਲੋਂ ਸੂਬੇ ਵਿੱਚ ਸਾਲ ਵਿੱਚ ਦੋ ਵਾਰ ਘੜੀਆਂ ਬਦਲਣ ਦੀ ਦਹਾਕਿਆਂ ਪੁਰਾਣੀ ਪ੍ਰਕਿਰਿਆ ਨੂੰ ਖ਼ਤਮ ਕਰਨ ਲਈ ਵਿਧਾਨ ਸਭਾ ਵਿੱਚ ਬਿੱਲ ਪੇਸ਼ ਕੀਤਾ ਗਿਆ ਹੈ। ਸਰਵਿਸ ਐਲਬਰਟਾ ਦੇ ਮੰਤਰੀ ਡੇਲ ਨੈਲੀ ਵੱਲੋਂ ਪੇਸ਼ ਕੀਤੇ ਗਏ ਇਸ ਬਿੱਲ ਮੁਤਾਬਕ ਅਲਬਰਟਾ ਸਾਰਾ ਸਾਲ ਪੱਕੇ ਤੌਰ 'ਤੇ ਡੇਲਾਈਟ ਸੇਵਿੰਗ ਟਾਈਮ 'ਤੇ ਰਹੇਗਾ। ਇਸ ਫੈਸਲੇ ਪਿੱਛੇ ਮੁੱਖ ਕਾਰਨ ਗੁਆਂਢੀ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਵੱਲੋਂ ਇਹ ਕਦਮ ਚੁੱਕਣਾ ਹੈ,ਜਿਸ ਕਾਰਨ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਅਲਬਰਟਾ ਵਿੱਚ ਵੀ ਇਸ ਤਬਦੀਲੀ ਨੂੰ ਜ਼ਰੂਰੀ ਸਮਝਿਆ।