29.37C Vancouver 29.37C VancouverJun 24, 2021 9:22 PM -
ਐਲਬਰਟਾ 'ਚ ਐਡਮਿੰਟਨ ਦੇ ਕੋਲ ਸਥਿਤ ਸ਼ਹਿਰ 'ਚ ਹਿਜਾਬ ਪਹਿਨ ਕੇ ਜਾ ਰਹੀਆਂ 2 ਭੈਣਾਂ 'ਤੇ ਹਮਲਾ ਕੀਤਾ ਗਿਆ ਹੈ।
ਇਸ ਘਟਨਾ ਨੂੰ ਹੇਟ ਕਰਾਈਮ ਵਜੋਂ ਵੇਖਿਆ ਜਾ ਰਿਹਾ ਹੈ।
ਪੁਲਿਸ ਵੱਲੋਂ ਹਮਲਾਵਰ ਦੀ ਭਾਲ ਕੀਤੀ ਜਾ ਰਹੀ ਹੈ।
ਸੇਂਟ ਐਲਬਰਟ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ 2 ਜਵਾਨ ਔਰਤਾਂ ਪਾਥਵੇਅ 'ਤੇ ਤੁਰ ਕੇ ਜਾ ਰਹੀਆਂ ਸਨ ਜਦ ਇੱਕ ਮਾਸਕ ਪਹਿਨੇ ਹੋਏ ਵਿਅਕਤੀ ਨੇ ਨਸਲੀ ਟਿੱਪਣੀਆਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ।
ਪੁਲਿਸ ਨੇ ਦੱਸਿਆ ਕਿ ਇਸ ਵਿਅਕਤੀ ਨੇ ਇੱਕ ਔਰਤ ਨੂੰ ਉਸ ਦੇ ਹਿਜਾਬ ਤੋਂ ਫੜ੍ਹ ਕੇ ਜ਼ਮੀਨ 'ਤੇ ਸੁੱਟ ਦਿੱਤਾ ਅਤੇ ਇਹ ਔਰਤ ਬੇਹੋਸ਼ ਹੋ ਗਈ।
ਹਮਲਾਵਰ ਨੇ ਚਾਕੂ ਕੱਢ ਲਿਆ ਅਤੇ ਦੂਜੀ ਔਰਤ ਨੂੰ ਜ਼ਮੀਨ 'ਤੇ ਪਟਕ ਕੇ ਉਸ ਦੀ ਧੌਣ 'ਤੇ ਚਾਕੂ ਧਰ ਦਿੱਤਾ।
ਔਰਤਾਂ ਨੂੰ ਧਮਕਾਉਣ ਤੋਂ ਬਾਅਦ ਇਹ ਵਿਅਕਤੀ ਮੌਕੇ ਤੋਂ ਦੌੜ ਗਿਆ।
ਇੱਕ ਔਰਤ ਨੂੰ ਐਂਬੂਲੈਂਸ 'ਤੇ ਹਸਪਤਾਲ ਪਹੁੰਚਾਇਆ ਗਿਆ।
