7.63C Vancouver 7.63C VancouverMar 17, 2022 12:25 AM - The Canadian Press
ਐਲਬਰਟਾ 'ਚ ਆਰ.ਸੀ.ਐਮ.ਪੀ. ਇੱਕ ਔਨਲਾਈਨ ਪੋਂਜ਼ੀ ਸਕੀਮ ਬਾਰੇ ਚੇਤਾਵਨੀ ਦੇ ਰਹੇ ਹਨ ਜਿਸ ਨੇ ਸੂਬੇ ਵਿੱਚ ਪੀੜਤਾਂ ਨੂੰ ਲਗਭਗ $150,000 ਦਾ ਰਗੜਾ ਲੱਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਆਵ-ਯੂਨੀਅਨ ਜਾਂ ਆਵ-ਬਾਈ (Aweunion ਜਾਂ Awebuy) ਘੁਟਾਲੇ ਵਿੱਚ ਇੱਕ ਐਪ ਰਾਹੀ ਐਮਾਜ਼ੌਨ ‘ਤੇ ਨਿਵੇਸ਼ਕਾਂ ਦੇ ਪੈਸਿਆਂ ਨਾਲ ਘੱਟ ਪ੍ਰਦਰਸ਼ਨ ਵਾਲੇ ਉਤਪਾਦਾਂ ਨੂੰ ਖਰੀਦ, ਉਨ੍ਹਾਂ ਦਾ ਵਿੱਤੀ ਪ੍ਰਦਸ਼ਨ ਵਧਾਉਣ ਦਾ ਦਾਅਵਾ ਕਰਨਾ ਸ਼ਾਮਿਲ ਸੀ।
ਮਾਉਂਟੀਜ਼ ਦਾ ਕਹਿਣਾ ਹੈ ਕਿ ਵਿਅਕਤੀਆਂ ਦਾ ਯਕੀਨ ਸੀ ਕਿ ਉਨ੍ਹਾਂ ਨੂੰ ਆਪਣੇ ਨਿਵੇਸ਼ਾਂ ਤੋਂ ਕਮਿਸ਼ਨ ਪ੍ਰਾਪਤ ਹੋਵੇਗੀ।
ਪਰ ਇੱਕ ਮਹੱਤਵਪੂਰਨ ਰਕਮ ਦੇ ਨਿਵੇਸ਼ ਬਾਅਦ ਉਹਨਾਂ ਨੂੰ ਬਹੁਤ ਘੱਟ ਜਾਂ ਕੋਈ ਰਕਮ ਵਾਪਸੀ ਨਹੀਂ ਹੋਈ ਅਤੇ ਨਾ ਹੀ ਆਵ-ਯੂਨੀਅਨ ਪ੍ਰਬੰਧਕਾਂ ਤੋਂ ਕੋਈ ਜਵਾਬ ਮਿਲਿਆ।
ਮਾਉਂਟੀਜ਼ ਦਾ ਕਹਿਣਾ ਹੈ ਕਿ ਲੋਕਾਂ ਨੂੰ ਐਪਸ ਅਤੇ ਔਨਲਾਈਨ ਪਲੇਟਫਾਰਮਾਂ ‘ਤੇ ਕੀਤੇ ਗਏ ਨਿਵੇਸ਼ਾਂ ਸੰਬੰਧੀ ਚੌਕਸ ਰਹਿਣਾ ਚਾਹੀਦਾ ਹੈ ਜੋ ਮਹੱਤਵਪੂਰਨ ਲਾਭ ਜਾਂ ਰਿਟਰਨ ਨੂੰ ਉਤਸ਼ਾਹਿਤ ਕਰਦੇ ਹਨ।
