8.21C Vancouver 8.21C VancouverMay 13, 2025 12:51 PM - The Canadian Press
ਐਲਬਰਟਾ ਵਿਚ ਬੀਤੇ ਦਿਨ ਖਸਰੇ ਦੇ ਨਵੇਂ 39 ਮਾਮਲੇ ਦਰਜ ਹੋਣ ਨਾਲ ਸੂਬੇ ਵਿਚ ਇਸ ਨਾਲ ਪੀੜਤਾਂ ਦੀ ਗਿਣਤੀ 365 ਹੋ ਗਈ ਹੈ, ਜਿਨ੍ਹਾਂ ਵਿਚੋਂ 14 ਹੋਰਾਂ ਨੂੰ ਤੇਜ਼ੀ ਨਾਲ ਬੀਮਾਰ ਕਰ ਸਕਦੇ ਹਨ। ਇਨ੍ਹਾਂ ਵਿਚੋਂ 30 ਦੱਖਣੀ ਖੇਤਰ,3 ਸੈਂਟਰਲ ਐਲਬਰਟਾ ਅਤੇ 6 ਨੌਰਥ ਤੋਂ ਦਰਜ ਹੋਏ ਹਨ।
ਔਫੀਸ਼ੀਅਲਜ਼ ਨੇ ਦੱਸਿਆ ਕਿ 365 ਵਿਚੋਂ ਵਧੇਰੇ ਮਾਮਲੇ ਸਿਰਫ ਦੱਖਣੀ ਖੇਤਰ ਤੋਂ ਹੀ ਦਰਜ ਹੋਏ ਹਨ। ਇਨ੍ਹਾਂ ਵਿਚੋਂ 295 ਅਜਿਹੇ ਹਨ,ਜਿਨ੍ਹਾਂ ਦੀ ਉਮਰ 18 ਸਾਲ ਤੋਂ ਘੱਟ ਹੈ। ਔਫੀਸ਼ੀਅਲਜ਼ ਨੇ ਸ਼ਨੀਵਾਰ ਚਿਤਾਵਨੀ ਦਿੰਦਿਆਂ ਕਿਹਾ ਸੀ ਕਿ ਟੇਬਰ,ਵ੍ਹਾਈਟ ਕੋਰਟ ਅਤੇ ਗ੍ਰੀਮਸ਼ੌ ਵਿਚ ਜੋ ਲੋਕ 2 ਤੋਂ 6 ਮਈ ਦੌਰਾਨ ਘੁੰਮਦੇ ਰਹੇ ਉਹ ਆਪਣੀ ਜਾਂਚ ਜ਼ਰੂਰ ਕਰਵਾਉਣ। ਇਹ ਹਵਾ ਨਾਲ ਫੈਲਣ ਵਾਲੀ ਬੀਮਾਰੀ ਹੈ ਜੋ ਕਿ ਸਰੀਰ 'ਤੇ ਲੰਬੇ ਸਮੇਂ ਤੱਕ ਖਤਰਨਾਕ ਪ੍ਰਭਾਵ ਪਾਉਂਦੀ ਹੈ।
ਡਾਕਟਰਾਂ ਵਲੋਂ ਲੋਕਾਂ ਨੂੰ ਵਾਰ-ਵਾਰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਉਹ ਖਸਰੇ ਦੀਆਂ ਦੋਵੇਂ ਖੁਰਾਕਾਂ ਦਾ ਟੀਕਾ ਜ਼ਰੂਰ ਲਗਵਾਉਣ। ਡਾਕਟਰਜ ਪਹਿਲਾਂ ਹੀ ਚਿਤਾਵਨੀ ਦੇ ਚੁੱਕੇ ਹਨ ਕਿ ਜੇਕਰ ਮਾਮਲੇ 1000 ਤੋਂ ਵੱਧ ਗਏ ਤਾਂ ਇਕ ਤੋਂ 3 ਲੋਕਾਂ ਦੀ ਮੌਤ ਹੋ ਸਕਦੀ ਹੈ।
